ГалоўнаяМерапрыемствыАкцыя “Пра Беларусь – беларусам замежжа”
У бібліятэцы адсвяткавалі Дзень жанчын
Беларуская музыка ад вытокаў да нашых дзён

Акцыя “Пра Беларусь – беларусам замежжа”

Акцыя “Пра Беларусь – беларусам замежжа”
Іншыя мерапрыемствы

“Пра Беларусь – беларусам замежжа” – дабрачынная акцыя Нацыянальнай бібліятэкі Беларусі 2020 года пачалася!

Мэта акцыі – садзейнічанне распаўсюджванню ведаў пра Беларусь, папулярызацыя інфармацыйных рэсурсаў, якія адлюстроўваюць багацце гісторыка-культурнай і прыроднай спадчыны краіны, а таксама пашырэнне інфармацыйнага ўзаемадзеяння з аб’яднаннямі беларускай дыяспары ў замежных краінах.

У лютым Нацыянальная бібліятэка Беларусі перадала ў фонд раённай дзіцячай бібліятэкі вёскі Новаішымскае раёна імя Габіта Мусрэпава Паўночна-Казахстанскай вобласці камплект друкаванай прадукцыі па гісторыі і культуры Беларусі.

Калегі з Казахстана ад свайго імя і ад імя беларускай дыяспары выказалі шчырую падзяку калектыву Нацыянальнай бібліятэкі Беларусі за аказаную дапамогу ў папаўненні бібліятэчнага фонду.

Запрашаем да супрацоўніцтва прыватных асоб, выдавецтвы і арганізацыі, якія маюць цікавыя выданні аб нашай краіне. Звяртаемся таксама да аб’яднанняў беларусаў замежных краін, зацікаўленых у атрыманні беларускай літаратуры, далучыцца да дабрачыннай акцыі “Пра Беларусь – беларусам замежжа”.

Кантактная інфармацыя:

Пераверзева Юлія Аляксандраўна,
загадчыца аддзела камплектавання фондаў,
тэл: (8 017) 293 25 20,
e-mail: pereverzeva@nlb.by

Рудакоўская Марына Віктараўна,
загадчыца аддзела карпаратыўнага ўзаемадзеяння,
тэл: (8 017) 293 28 90,
e-mail: rudakovskaya@nlb.by

Матэрыял прадастаўлены аддзелам камплектавання фондаў.

Чытайце таксама пра тое, як праходзіць акцыя "Пра Беларусь – беларусам замежжа":

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Пяшчотаю прасветленае слова

20.03.2020

З 20 сакавіка па 27 красавіка ў зале беларускай літаратуры (пам. 205) праходзіць выстаўка “Пяшчотаю прасветленае слова”, прысвечаная 100-годдзю з дня нараджэння беларускага паэта Аляксея Васілевіча Пысіна (1920–1981).

Назіранне за сусветным навакольным асяроддзем: надвор’е, клімат, водныя рэсурсы

19.03.2020

З 19 сакавіка па 20 красавіка ў зале дакументаў міжнародных арганізацый (пам. 207g) адкрыта тэматычная выстаўка “Назіранне за сусветным навакольным асяроддзем: надвор’е, клімат, водныя рэсурсы”, прысвечаная Сусветнаму метэаралагічнаму дню і 70-годдзю Сусветнай метэаралагічнай арганізацыі (СМА).

У полі зроку эканаміста: па старонках перыядычных выданняў

02.03.2020

Пазнаёміцца з газетамі і часопісамі па эканоміцы запрашае зала перыядычных выданняў (пам. 106), дзе з 2 сакавіка па 30 красавіка праходзіць тэматычная выстаўка “У полі зроку эканаміста: па старонках перыядычных выданняў”.

Якім быў шлях да Вялікай Перамогі?

17.03.2020

17 сакавіка ў 11.00 у галерэі “Атрыум” (3-ці паверх) пройдзе адкрыццё гісторыка-дакументальнай выставы “Шлях да Перамогі: гістарычныя крыніцы сведчаць”, прымеркаванай да 75-годдзя вызвалення Усходняй Еўропы ад нацызму.

Правобраз еўрапейскай Канстытуцыі

16.03.2020

“Правобраз еўрапейскай Канстытуцыі” – выстава рарытэтаў з Беларусі і Латвіі, прымеркаваная да Дня Канстытуцыі, адкрыецца 16 сакавіка ў музеі кнігі Нацыянальнай бібліятэкі Беларусі.

Закон, па якім жыве краіна

09.03.2020

З 9 па 18 сакавіка ў зале прававой інфармацыі (пам. 207b) адкрыта тэматычная выстаўка “Закон, па якім жыве краіна”, прысвечаная Дню Канстытуцыі Рэспублікі Беларусь.



111