Нацыянальная бібліятэка Беларусі працягвае аказваць падтрымку аб’яднанням беларускай дыяспары ў замежных краінах у межах дабрачыннай акцыі “Пра Беларусь – беларусам замежжа”, садзейнічаючы распаўсюджванню інфармацыі пра нашу краіну, папулярызацыі інфармацыйных рэсурсаў, якія адлюстроўваюць багацце яе гісторыка-культурнай і прыроднай спадчыны.
У ліпені Цэнтру беларускай культуры (г. Даўгаўпілс, Латвія) былі перададзены папулярныя творы класікаў беларускай літаратуры, дзіцячыя кнігі, а таксама вучэбна-метадычная літаратура для вывучэння беларускай мовы.
Запрашаем да супрацоўніцтва прыватных асоб, выдавецтвы і арганізацыі, якія валодаюць цікавымі выданнямі пра нашу краіну. Звяртаемся таксама да аб’яднанняў беларусаў замежных краін, зацікаўленых у атрыманні беларускай літаратуры, далучыцца да дабрачыннай акцыі “Пра Беларусь – беларусам замежжа”.
Матэрыял пададзены аддзелам камплектавання фондаў.
Чытайце таксама:
- Бібліятэка Цэнтра беларускай культуры папоўнілася новымі кнігамі (Baltkrievu kultūras centrs)
- Бібліятэка Цэнтра беларускай культуры папоўнілася новымі кнігамі (Наш город)
