Дата правядзення
Час правядзення
Месца правядзення
Тэматычная выстава “Вакол права: перыёдыка ў полі зроку юрыста” праходзіць з 2 лістапада па 28 снежня ў зале перыядычных выданняў (пам. 106).
Сучасны юрыст – гэта рознабакова развіты прафесіянал, які валодае шэрагам спецыфічных ведаў і навыкаў у сферы прымянення права, сістэмнага саманавучання, аналітыкі, камунікацыі і г.д.
Навык правапрымянення з’яўляецца базавым для юрыста. Менавіта разуменне права становіцца асновай для яго прымянення. Сучаснаму юрысту проста неабходна ўмець выбудоўваць для сябе выразную структуру права як з’явы, лагічна правільна трактаваць нормы і выкарыстоўваць іх у існуючых жыццёвых сітуацыях.
На выставе прадстаўлены артыкулы, прысвечаныя навінам у розных галінах права, сабрана актуальная інфармацыя за бягучы год. Навацыі ў Працоўным кодэксе асвятляюць публікацыі з часопісаў “Охрана труда”, “Вестник Белорусской государственной сельскохозяйственной академии”, “Отдел кадров”. Змены ў падатковым праве адлюстраваны ў артыкулах часопісаў “Юрист”, “Моя бухгалтерия”, “Налоги Беларуси”. Пра тое, што змянілася ў сферах абароны персанальных даных, барацьбы з карупцыяй, цэнаўтварэння і інш., раскажуць публікацыі выданняў “Финансы, учет, аудит”, “Экономика. Финансы. Управление”, “Маркетинг: идеи и технологии” і інш.
Усяго экспазіцыя налічвае каля 30 перыядычных выданняў.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 06.
Матэрыял пададзены аддзелам абслугоўвання спецыялізаванымі фондамі.
