ГалоўнаяБiблiятэкарамСавет бібліятэк Беларусі па інфармацыйным узаемадзеянніНавіны Савета

Навіны Савета

Нарада з удзелам дырэктараў бібліятэк вышшэйшых навучальных устаноў Беларусі

2 лютага 2012 г. у рамках мерапрыемстваў Савета бібліятэк па інфармацыйным ўзаемадзеянні адбылася нарада з удзелам дырэктараў бібліятэк вышэйшых навучальных устаноў Беларусі. Падрабязней...


Вынікі Генеральнай асамблеі кансорцыума EIFL

З 25 па 28 чэрвеня ў Нацыянальнай бібліятэцы Беларусі прайшлі мерапрыемствы Генеральнай асамблеі кансорцыума EIFL. Падрабязней...


Мерапрыемствы Генеральнай асамблеі кансорцыума EIFL

З 25 па 28 чэрвеня на базе Нацыянальнай бібліятэкі Беларусі праходзяць мерапрыемствы Генеральнай асамблеі кансорцыума EIFL. Падрабязней...


XII Генеральная асамблея кансорцыума EIFL

З 25 па 28 чэрвеня 2011 г. на базе Нацыянальнай бібліятэкі Беларусі адбудуцца мерапрыемствы Генеральнай асамблеі кансорцыума EIFL.

Кансорцыум EIFL (Electronic Information for Libraries: Электронная інфармацыя для бібліятэк) – гэта міжнародная некамерцыйная арганізацыя, якая аб’ядноўвае бібліятэчныя кансорцыумы з больш як 45 краін Цэнтральнай, Усходняй і Паўднёва-Усходняй Еўропы, былога Савецкага Саюза, Афрыкі, Блізкага Усходу і Паўднёва-Усходняй Азіі. Галоўнымі напрамкамі яе дзейнасці з’яўляюцца падтрымка абмену ведамі ў глабальным маштабе, пабудова сеткі бесперапыннага павышэння адукацыі, а таксама падтрымка нацыянальных бібліятэчных кансорцыумаў.

З 2009 г. паўнапраўным членам EIFL з’яўляецца Савет бібліятэк Беларусі па інфармацыйным узаемадзеянні пры Нацыянальнай бібліятэцы Беларусі (BelCoLib). Ён прадстаўляе інтарэсы розных бібліятэк нашай краіны ў галіне набыцця і выкарыстання электронных інфармацыйных рэсурсаў, інтэлектуальнай уласнасці ў дзейнасці бібліятэк, стварэння і распаўсюджвання электронных інфармацыйных рэсурсаў адкрытага доступу і праграмнага забеспячэння з адкрытым кодам. Адным з вынікаў дзейнасці Савета з’яўляецца арганізацыя і функцыянаванне віртуальнай чытальнай залы Нацыянальнай бібліятэкі Беларусі.

Пасяджэнні Генеральнай асамблеі EIFL адбываюцца штогод, кожны раз у новай краіне. У 2011 г. яны пройдуць у Беларусі. У іх возьмуць удзел больш за 90 прадстаўнікоў кансорцыумаў – членаў EIFL і найбуйнейшых фірм – агрэгатараў і пастаўшчыкоў электронных інфармацыйных рэсурсаў.

Падчас пасяджэнняў 2011 г. плануецца абмеркаванне пытанняў палітыкі адкрытага доступу; пераадолення бар’ераў па выкарыстанні электронных рэсурсаў; магчымасцей інтэграванага доступу да электронных інфармацыйных рэсурсаў; аўтарскага права ў кантэксце міжнароднай палітыкі. Плануецца таксама правядзенне перагавораў з вытворцамі і пастаўшчыкамі электронных інфармацыйных рэсурсаў.


Па ініцыятыве Савета бібліятэк Беларусі па інфармацыйным узаемадзеянні 24 мая 2011 г. адбыўся семінар-нарада "Рэсурсы адкрытага доступу ў кантэксце новай рэдакцыі Закона «Аб аўтарскім праве і сумежных правах»".

У рабоце семінара, якія адбыўся ў Нацыянальнай бібліятэцы Беларусі (НББ), узялі ўдзел прадстаўнікі бібліятэк ВНУ Беларусі. Падчас нарады были разгледжаны асноўныя навацыі, прапанаваныя бібліятэчнай грамадскасцю, якія знайшлі адлюстраванне ў новай рэдакцыі Закона "Аб аўтарскім праве і сумежных правах".

Адзначана, што ў рамках прынятых змен у новай рэдакцыі закона з’явіліся якасна новыя магчымасці фарміравання карпаратыўных электронных інфармацыйных рэсурсаў. Да ўвагі ўдзельнікаў нарады быў прадстаўлены распрацаваны НББ праект аўтарскага дагавора аб перадачы невыключных праў на выкарыстанне твораў на неаплатнай аснове.

Былі прапанаваны разнастайныя алгарытмы ўзаемадзеяння па аптымізацыі электроннага рэсурсу нацыянальных дысертацый, які ствараецца зараз, рэалізацыі яго на карпаратыўнай аснове. Звернута ўвага на тое, што асновай узаемадзеяння пры стварэнні рэсурсу павінна стаць дагаворная дзейнасць з аўтарамі.

Нацыянальны каардынатар ад Рэспублікі Беларусь у міжнародным кансорцыуме EIFL В.І. Брычкоўскі выступіў з паведамленнем на тэму "Фарміраванне рэсурсаў адкрытага доступу ў Рэспубліцы Беларусь".

Было адзначана, што карпаратыўны рэсурс дысертацый з’яўляецца адным з важных кампанентаў у навукова-адукацыйных рэсурсах адкрытага доступу Рэспублікі Беларусь.

У рамках нарады адбыўся абмен думкамі пра пошук канструктыўных рашэнняў з мэтай наладжвання карпаратыўнага ўзаемадзеяння з бібліятэкамі ВНУ краіны.


24 лютага 2011 г. у Нацыянальнай бібліятэцы Беларусі (НББ) адбылося шостае пасяджэнне Савета бібліятэк Беларусі па інфармацыйным узаемадзеянні.

У рабоце нарады ўзялі ўдзел прадстаўнікі рэспубліканскіх і абласных бібліятэк. З дакладамі выступілі дырэктар НББ, старшыня Савета Матульскі Р.С., намеснік дырэктара НББ, старшыня выканаўчага камітэта Савета Кузьмініч Т.В.

У рамках пасяджэння былі разгледжаны наступныя пытанні:

  1. Справаздача выканаўчага камітэта аб дзейнасці ў 2010 г.
  2. Перспектыўныя кірункі дзейнасці Савета ў 2011 г.:
    • дзяржаўная праграма "Культура Беларусі" на 2011–2015 гг. Рэалізацыя заданняў на 2011 г.;
    • аб удзеле бібліятэк Беларусі ў фарміраванні Зводнага электроннага каталога.
  3. Аб умовах і магчымасцях стварэння электроннага рэсурсу беларускіх дысертацый.
  4. Аб правядзенні Генеральнай асамблеі eIFL на терыторыі Рэспублікі Беларусь.
  5. Змяненні ў складзе рабочых груп выканкама Савета.

Членамі Савета былі прыняты наступныя рашэнні:

  1. Дзейнасць выканаўчага камітэта Савета ў 2010 г. прызнаць здавальняльнай.
  2. Аптымізаваць дзейнасць груп выканаўчага камітэта Савета па выкарыстанні праграмнага забеспячэння з адкрытым кодам і адкрытага доступу да рэсурсаў навукова-даследчага характару.
  3. Адобрыць наступныя кірункі работы Савета в 2011 г.:
    • супрацоўніцтва з eIFL.net;
    • атрыманне скідак на цэнтралізаванае набыццё электронных рэсурсаў;
    • выпрацоўка падыходаў і вызначэнне рэпертуара набываемых і распаўсюджваемых у краіне баз даных на 2012 г.;
    • арганізацыя і правядзенне мерапрыемстваў, накіраваных на прасоўванне і выкарыстанне набываемых і тэсціруемых электронных інфармацыйных рэсурсаў;
    • арганізацыя сэрвіснага і кансультатыўнага абслугоўвання бібліятэк Беларусі па выкарыстанні інфармацыйных рэсурсаў віртуальнай чытальнай залы НББ;
    • абмеркаванне пытанняў аховы інтэлектуальнай уласнасці, аўтарскіх і сумежных праў у кантэксце дзейнасці бібліятэк Беларусі і пазіцыяніраванне інтарэсаў бібліятэк у дзяржаўных і грамадскіх структурах;
    • прасоўванне адкрытага доступу да рэсурсаў навукова-даследчага характару і адкрытага праграмнага забеспячэння ў дзейнасці бібліятэкі;
    • стварэнне часовага навуковага калектыву па рэалізацыі 21-га задання дзяржаўнай праграмы "Культура Беларусі" "Стварэнне зводнага электроннага інфармацыйнага рэсурсу нацыянальнай бібліяграфіі Беларусі, улічваючы распрацоўку праграмнага забеспячэння і інфармацыйнага напаўнення";
    • стварэнне часовага навуковага колективу па рэалізацыі 23-га задання дзяржаўнай праграмы "Культура Беларусі" "Стварэнне зводнага электроннага каталога бібліятэк Беларусі, перыядычных выданняў, спецыяльных відаў дакументаў, уключаючы распрацоўку праграмнага забеспячэння".
  4. Членам Савета да 15.03.2011 г. прадставіць кандыдатуры ў складзе рабочых груп па выкананні заданняў дзяржаўнай програмы "Культура Беларусі" на 2011–2015 гг.
  5. Прызнаць неабходным стварэнне адзінага электроннага рэсурсу беларускіх дысертацый.
  6. Распрацаваць механізм стварэння рэсурсу ў адпаведнасці з нормамі заканадаўства Рэспублікі Беларусь. Ініцыіраваць правядзенне нарады з кіраўнікамі бібліятэк вышэйшых навучальных устаноў.
  7. Прыняць да ведама інфармацыю аб праведзенай рабоце і планах па падрыхтоўцы Генеральнай асамблеі еIFL.
  8. Зацвердзіць змяненні ў складзе Савета. Увесці ў склад Савета Квачана С.І., дырэктара Прэзідэнцкай бібліятэкі Рэспублікі Беларусь. Назначыць кіраўніком рабочай групы па каардынацыі, набыцці і ажыццяўленні доступу да электронных інфармацыйных рэсурсаў (ЭІР) Лапо В.П., заг. сектарам НББ. Увесці ў склад названай групы Варановіч С.І., заг. аддзелам БелСГБ, Федасеню І.В., заг. сектара НББ.
111