4 сакавіка ў Нацыянальнай бібліятэцы адбылося пасяджэнне Савета бібліятэк Беларусі па інфармацыйным узаемадзеянні.
Гэта калегіяльны орган, які на працягу апошніх 12 гадоў вызначае прыярытэты развіцця інфармацыйнай інфраструктуры бібліятэчных устаноў нашай краіны.
У пасяджэнні прынялі ўдзел кіраўнікі і спецыялісты Нацыянальнай бібліятэкі Беларусі, рэспубліканскіх навуковых і абласных бібліятэк, а таксама бібліятэк дзвюх вядучых устаноў вышэйшай адукацыі Беларусі.
Члены Савета абмеркавалі шэраг пытанняў: карпаратыўнае ўзаемадзеянне ў падпісцы на ліцэнзійныя электронныя інфармацыйныя рэсурсы, выкарыстанне навукова-выдавецкай мадэлі “Library Рublishing” у дзейнасці ўніверсітэцкіх бібліятэк Беларусі, магчымасць удзелу бібліятэчных устаноў у папаўненні і выкарыстанні анлайн-энцыклапедыі “Беларусь у асобах і падзеях”, а таксама заключны этап фарміравання даведніка “Беларуская бібліяграфія ў асобах”.
Рашэнне пасяджэння Савета бібліятэк Беларусі па інфармацыйным узаемадзеянні
Матэрыял пададзены аддзелам карпаратыўнага ўзаемадзеяння.
