3 сакавіка ў Нацыянальнай бібліятэцы Беларусі прайшла першая з цыкла “Славутыя імёны Бацькаўшчыны” экскурсія па творчасці Францішка Багушэвіча, аднаго з пачынальнікаў новай беларускай літаратуры. На экскурсію завіталі навучэнцы Мінскага дзяржаўнага ліцэя № 7 будаўніцтва.
Традыцыйна частка экскурсіі прайшла ў выглядзе інтэрактыўных заняткаў. Экскурсанты знайшлі ў мастацкім афармленні будынка Нацыянальнай бібліятэкі згадкі пра Францішка Багушэвіча, пагарталі выданні пачатку ХХ стагоддзя – зборнікі “Дудка беларуская” і “Смык беларускі”, надрукаваныя лацінкай і кірыліцай, пазнаёміліся з асноўнымі падзеямі з жыцця першага нацыянальнага паэта, яго творчым шляхам, замацавалі атрыманыя веды, выканаўшы шэраг інтэрактыўных заданняў.
Запрашаем і вас на экскурсіі “Славутыя імёны Бацькаўшчыны” па творчасці знакамітых беларусаў: Янкі Купалы, Якуба Коласа, Максіма Багдановіча, Кандрата Крапівы, Міхася Зарэцкага, Янкі Маўра, Уладзіміра Караткевіча, Васіля Быкава, Еўфрасінні Полацкай, Францыска Скарыны і Марка Шагала.
Заяўкі прымаюцца з 10.00 да 18.00 з аўторка да нядзелі.
Тэлефоны для запісу: (8 017) 293 29 66, 293 28 53.
Матэрыял пададзены экскурсійна-метадычным аддзелам.
