19 лістапада ў Цэнтральнай навуковай бібліятэцы імя Якуба Коласа Нацыянальнай акадэміі навук Беларусі адбылося пасяджэнне Савета бібліятэк Беларусі па інфармацыйным узаемадзеянні.
У навуковым мерапрыемстве, на якім старшынстваваў дырэктар Нацыянальнай бібліятэкі Беларусі Р.С. Матульскі, прынялі ўдзел кіраўнікі рэспубліканскіх і абласных бібліятэк, кіраўнікі рабочых груп выканаўчага камітэта Савета.
Былі разгледжаны наступныя пытанні:
1.Аб выніках II Міжнароднага кангрэса “Бібліятэка як феномен культуры”.
2.Аб закупцы баз даных на 2015 год і рабоце віртуальнай чытальнай залы Нацыянальнай бібліятэкі Беларусі.
3.Аб удзеле Беларусі ў генеральнай асамблеі кансорцыума EIFL.
4.Аб падключэнні Прэзідэнцкай бібліятэкі Беларусі да сістэмы карпаратыўнай каталагізацыі і рабоце Зводнага электроннага каталога бібліятэк Беларусі.
5.Аб стварэнні зводных рэгіянальных электронных каталогаў бібліятэк Беларусі.
6.Аб выдавецкіх праектах Нацыянальнай бібліятэкі Беларусі і магчымасці ўдзелу ў іх іншых бібліятэк і інфармацыйных цэнтраў.
Работа Савета бібліятэк Беларусі па інфармацыйным узаемадзеянні атрымала станоўчую ацэнку прысутных.
 |
 |
 |
 |
