18 кастрычніка ў рамках работы V Міжнароднага кангрэса “Бібліятэка як феномен культуры” ў бібліятэцы адбылося пасяджэнне Савета бібліятэк Беларусі па інфармацыйным узаемадзеянні.
Сустрэча прайшла пад старшынствам дырэктара Нацыянальнай бібліятэкі Беларусі Рамана Матульскага. У пасяджэнні прынялі ўдзел кіраўнікі рэспубліканскіх навуковых, абласных бібліятэк, а таксама бібліятэк устаноў вышэйшай адукацыі.
Падчас сустрэчы ўдзельнікі абмеркавалі пытанні стварэння аб'яднанага рэпазіторыя інфармацыйных рэсурсаў адкрытага доступу, змены ў фарміраванні карпаратыўных інфармацыйных рэсурсаў бібліятэк Беларусі, работу зводнага электроннага каталога і рэгіянальных зводных электронных каталогаў бібліятэк Беларусі, а таксама вынікі работы віртуальнай чытальнай залы Нацыянальнай бібліятэкі.
На пасяджэнні былі выпрацаваны прапановы па далейшым развіцці карпаратыўных праектаў бібліятэк Беларусі.
Рашэнне Савета бібліятэк Беларусі па інфармацыйным узаемадзеянні