15 верасня ў Мядзелі адбылося Рэспубліканскае свята паэзіі і песні “Я сэрцам пісаў сваю кожную песню…”, прысвечанае 100-годдзю з дня нараджэння народнага паэта Беларусі Максіма Танка.

Распачалося свята а 10-й гадзіне ўскладаннем кветак да магілы Максіма Танка (в. Новікі, Мядзельскі раён). Затым святочныя мерапрыемствы прайшлі ў г. Мядзел. Сярод іх – цырымонія адкрыцця каменя ў гонар 100-годдзя з дня нараджэння Максіма Танка, адкрыццё выстаўкі па выніках фотапленэра “Дарогамі Максіма Танка” і выстаўкі кветкавых кампазіцый па матывах твораў паэта Максіма Танка, прэзентацыя кнігі “Усё жыццё я не любіў растанняў…”, пленэр выхаванцаў Цэнтра дзіцячай творчасці, выступленне дзіцячых фальклорных калектываў, прэзентацыя газеты “Нарачанская зара”, кірмаш-продаж прадукцыі гандлёвых прадпрыемстваў горада і раёна, выстава-кірмаш вырабаў дэкаратыўна-прыкладнога мастацтва і промыслаў з майстар-класамі, кніжная выстаўка, прысвечаная Году кнігі, літаратурна-мастацкая гасцёўня “Шчаслівы, што пяю цябе, Радзіма…”, прэзентацыі беларускіх выдавецтваў, часопісаў, газет, сустрэчы пісьменнікаў з чытачамі, выступленні мастацкіх калектываў Мядзельскага раёна, а таксама выступленні паэтаў і пісьменнікаў Мінскай вобласці.

У свяце прынялі ўдзел паэты, пісьменнікі, даследчыкі (Мікалай Чаргінец, Генадзь Пашкоў, Мікола Мятліцкі, Мікола Шабовіч, Дзмітрый Пятровіч, Мікола Мікуліч, Віктар Шніп, Алесь Бадак, Таццяна Сівец, Анатоль Бутэвіч, Вячаслаў Рагойша); спевакі і артысты (Марыя Захарэвіч, Алег Сямёнаў, Надзея Мікуліч, Дзмітрый Качароўскі, ансамбль “Грамніцы”, вакальны калектыў “Верасень”) і інш.

Арганізатары свята: Міністэрства культуры Рэспублікі Беларусь, Мінскі абласны выканаўчы камітэт, Мядзельскі раённы выканаўчы камітэт, Саюз пісьменнікаў Беларусі, Дзяржаўны музей гісторыі беларускай літаратуры.

Крыніца: Мiнiстэрства культуры Рэспублiкi Беларусь

Чытайце таксама:

Рэспубліканскае свята паэзіі і песні да 100-годдзя Максіма Танка

Інфармацыйныя рэсурсы

Паслугі