ГалоўнаяНавіныНавіны Нацыянальнай бібліятэкі Беларусі
“Мінскае жыццё” на старонках газеты “Звон”
“Гадзіна музыкі” адкрывае новы сезон

Музейныя заняткі са Скотам Кэралам

Музейныя заняткі са Скотам Кэралам
Іншыя навіны

18 кастрычніка ў музеі кнігі амерыканскі даследчык старажытных манускрыптаў Скот Кэрал і ўдзельнікі “Клуба кніжных прафесараў” разам вывучалі 300-гадовы рукапісны скрутак.

Дзеткі ўжо былі знаёмыя са знакамітым вучоным і вельмі чакалі чарговай сустрэчы. Летась Скот Кэрал быў куратарам выставачнага праекта “Беларусь і Біблія”, рэалізаванага ў Нацыянальнай бібліятэцы, неаднаразова сустракаўся з “кніжнымі прафесарамі” і вельмі іх палюбіў.

Удзельнікі заняткаў мелі магчымасць даследаваць сапраўдны 30-ціметровы пергаментны рукапіс. Старажытны пергамент, на якім людзі пісалі да вынаходства паперы, як вядома, уяўляе сабою апрацаваную шкуру жывёл. Для таго каб зрабіць шкуру прыдатнай для пісьма, трэба было яе старанна прамыць і вымачыць, каб ачысціць, і гэта працэдура займала некалькі дзён. Пасля шкура шліфавалася і выгладжвалася.

На занятках дзеткі сталі памочнікамі ў даследаванні рукапісу. Гэта было адказна і надзвычай цікава. Перад юнымі “прафесарамі” ўстала складанае заданне: падлічыць колькасць пергаментных кавалкаў, з якіх складаецца скрутак, колькасць слупкоў на “старонцы”, вызначыць разнастайнасць почыркаў перапісчыкаў. Удзельнікі звярнулі ўвагу, што ў скрутку было мноства выпраўленняў, і зафіксавалі спосабы іх пазначэння.

Кожны ўдзельнік заняткаў атрымаў на памяць аўтограф ад вядомага даследчыка.

Заняткі былі арганізаваны ў межах серыі мерапрыемстваў “Берасцейская Біблія: адкрыты дотык”.

Матэрыял прадастаўлены навукова-даследчым аддзелам кнігазнаўства.

Навіны

Кампетэнтна і падрабязна

21 Ліс 2019

20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.

Навіны Нацыянальнай бібліятэкі Беларусі

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

111