ГалоўнаяПаслугiСацыякультурныя паслугіПраект “У госці да кніг”Клуб кніжных прафесараў

Клуб кніжных прафесараў

Серыя “Клуб кніжных прафесараў" уяўляе сабой суцэльны курс заняткаў і разлічана на шматразовае і сістэматычнае наведванне музея кнігі Нацыянальнай бібліятэкі Беларусі. Заняткі праходзяць штомесяц. Праграма пачынаецца ў верасні і завяршаецца ў маі.

На занятках, якія праводзяцца ў даступнай і займальнай форме, хлопчыкі і дзяўчынкі ажыццявяць падарожжа ў гісторыю кнігі, атрымаюць новыя веды пра багацце і разнастайнасць беларускай кніжнай культуры. Заняткі змяшчаюць інтэрактыўныя экскурсіі, пазнавальныя гутаркі, майстар-класы, творчыя заданні і гульні.

Атрыманню ведаў спрыяюць незвычайная музейная атмасфера, сяброўскія ўзаемаадносіны, дзе кожнае дзіця свабодна праяўляе сябе і ў той жа час усе захоплены агульнай справай. Дзеці стануць не толькі гледачамі, якія пазіраюць на прадметы ў вітрынах, але і актыўнымі ўдзельнікамі працэсу спазнання кнігі.

На музейныя заняткі часта запрашаюцца даследчыкі кнігі, мастакі, пісьменнікі, музыкі, якія дзеляцца сваімі ведамі, творчасцю і любоўю да кнігі.

Тэмы заняткаў:

  1. Бібліятэка – дом, дзе жывуць кнігі
  2. Узнікненне і развіццё пісьма
  3. Формы і матэрыялы кнігі
  4. Кніга ператварэнняў
  5. Папяровыя цуды
  6. Рукапісная кніга
  7. Мастацтва рукапіснай кнігі і буквіца
  8. Пачатак кнігадрукавання ў Еўропе
  9. Кніга эпохі Адраджэння
  10. Ёган Гутэнберг
  11. Францыск Скарына
  12. Біблія Францыска Скарыны
  13. Партрэт беларускага першадрукара
  14. Кніжныя пераплёты
  15. Кніжная спадчына Радзівілаў 
  16. Анатомія кнігі 
  17. Гравюры 
  18. Мініяцюрная кніга 
  19. Дызайн кнігі 
  20. Факсіміле

Кантактная інфармацыя:
каардынатар праекта “Клуб кніжных прафесараў”
Таццяна Андрэеўна Сапега,
тэлефоны: (8 017) 293 27 82, (8 044) 579 39 07.
e-mail: sapega@nlb.by
https://www.facebook.com/taciankasapieha

Бібліятэкарам