ГалоўнаяМерапрыемствыМіжнародная выстаўка “Беларусь і Біблія”
Пажылыя людзі ў сям’і і грамадстве
Сустрэча з нобелеўскім лаўрэатам Кэнетам Брокманам

Міжнародная выстаўка “Беларусь і Біблія”

Міжнародная выстаўка “Беларусь і Біблія”
Іншыя мерапрыемствы
20 верасня – 21 кастрычніка
Дата правядзення
музей кнігі (пам. 347)
Месца правядзення

20 верасня а 16.00 у музеі кнігі адкрываецца ўнікальная міжнародная выстаўка “Беларусь і Біблія”, прысвечаная самай вядомай і ўплывовай кнізе ў гісторыі чалавецтва.

Выстаўка арганізавана Нацыянальнай бібліятэкай Беларусі сумесна з некамерцыйнай арганізацыяй "Група даследавання рукапісаў" (Manuscript Research Group, ЗША). Частка экспанатаў прадстаўлена з 11 дзяржаўных і прыватных калекцый ЗША, Вялікабрытаніі і Ізраіля.

На экспазіцыі можна будзе ўбачыць выданні Бібліі розных канфесій на розных мовах свету – і ўсё гэта помнікі сусветнага значэння, многія з якіх ніколі раней не экспанаваліся ў краінах Цэнтральнай і Усходняй Еўропы. Будуць дэманстравацца каля 200 унікальных рукапісных і старадрукаваных помнікаў кніжнай культуры, што адлюстроўваюць гісторыю стварэння, распаўсюджвання і захавання Бібліі.

Упершыню ў Беларусі будуць прадстаўлены арыгіналы і якасныя выставачныя копіі скруткаў Мёртвага мора, біблейскіх рукапісных тэкстаў на папірусе і пергамене (торы), каштоўных манускрыптаў, старадрукаваных выданняў (кнігі Іагана Гутэнберга, Марціна Лютэра, Францыска Скарыны), ілюстраваных асобнікаў Бібліі (сярод якіх кнігі з гравюрамі Альбрэхта Дзюрара, Сальвадора Далі і іншых знакамітых мастакоў).

Дасягненні айчыннай кніжна-пісьмовай культуры будуць паказаны як неад’емная частка агульнасусветнай духоўнай спадчыны. З фонду Нацыянальнай бібліятэкі Беларусі будуць прадстаўлены рукапісныя Торы, Евангеллі, Апосталы XVІ–XXІ стст., выданні беларускага першадрукара Ф. Скарыны і яго паслядоўнікаў, пераклады біблейскіх тэкстаў на беларускую і еўрапейскія мовы, а таксама прыклады мастацкага афармлення Святога Пісання лепшымі майстрамі XVІ–XXІ стст.

На выстаўцы будуць дзейнічаць інтэрактыўныя пляцоўкі – рукапісная майстэрня і друкарня, а таксама адбывацца тэматычныя лекцыі, экскурсіі, майстар-класы, музейныя заняткі, прэзентацыі і канцэрты.

Толькі адзін месяц, з 20 верасня па 21 кастрычніка, будзе дзейнічаць унікальная выстаўка! Спяшайцеся, бо такое не паўтараецца!


Час работы выстаўкі адпавядае рэжыму работы музея кнігі.

Тэлефоны для даведак: (8 017) 293 27 22, 293 28 85.

Чытайце таксама пра адкрыццё міжнароднай выстаўкі “Беларусь і Біблія”.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Тысячагадовы Брэст – культурная сталіца СНД

20.06.2019

Упершыню горад Брэст (Бярэсце) згадваецца ў “Аповесці мінулых гадоў” у 1019 г. як гандлёва-рамесніцкі цэнтр Кіеўскай Русі. У 1390 г. ён атрымаў Магдэбургскае права і стаў першым горадам на тэрыторыі сучаснай Беларусі, які меў прывілею самакіравання.

VARIA. З фонду Уладзіміра Ліхадзедава

20.06.2019

У пачатку 2019 г. Нацыянальная бібліятэка Беларусі заключыла пагадненне з грамадскім дзеячам і калекцыянерам Уладзімірам Ліхадзедавым аб стварэнні “Фонду Уладзіміра Ліхадзедава” з мэтай выяўлення, вяртання і захавання дакументальнай спадчыны Беларусі.

Самыя рамантычныя месцы планеты

20.06.2019

З 13 чэрвеня па 25 жніўня запрашаем на выстаўку “Самыя рамантычныя месцы планеты”, размешчаную ў чытальнай зале аддзела міжбібліятэчнага абанемента і дастаўкі дакументаў (пам. 164).

Пейзаж чалавечай душы

18.06.2019

З 17 чэрвеня па 18 ліпеня ў зале беларускай літаратуры (пам. 205) праходзіць юбілейная кніжная выстаўка “Пейзаж чалавечай душы”, прысвечаная 85-годдзю беларускага пісьменніка, публіцыста, сцэнарыста, лаўрэата Дзяржаўнай прэміі Беларусі імя К. Каліноўскага (1990) Віктара Філімонавіча Карамазава.

Новы дом, новае жыццё

14.06.2019

З 14 чэрвеня па 22 ліпеня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Новы дом, новая жыццё”, прысвечаная Сусветнаму дню бежанцаў.

Пасланец мужнасці

18.06.2019

З 14 чэрвеня па 8 жніўня ў зале беларускай літаратуры (пам. 205) праходзіць юбілейная кніжная выстаўка “Пасланец мужнасці”, прымеркаваная да 95-годдзя з дня нараджэння народнага пісьменніка Беларусі Васіля Быкава.

Моцарт Елісейскіх палёў

13.06.2019

З 13 чэрвеня па 13 жніўня ў зале нотных і аўдыявізуальных дакументаў (пам. 305) праходзіць выстаўка “Моцарт Елісейскіх палёў”, прысвечаная 200-годдзю з дня нараджэння французскага кампазітара, тэатральнага дырыжора, віяланчэліста Жака Афенбаха.



111