ГалоўнаяПаслугiВіртуальныя сервісыВіртуальная чытальная залаЭлектронныя інфармацыйныя рэсурсы віртуальнай чытальнай залыРэсурсы арганізацый-партнёраў
Магілёўская вобласць
- Брэсцкая вобласць
- Віцебская вобласць
- Гомельская вобласць
- Гродненская вобласць
- Мінск
- Мінская вобласць
- Магілёўская вобласць
Бялыніцкая цэнтралізаваная бібліятэчная сетка
Бялыніччына турыстычная
Краязнаўчая база даных змяшчае звесткі аб 32 аб'ектах, якія складаюць чатыры турыстычныя маршруты Бялыніцкага раёна. У аснове рэсурсу ляжаць матэрыялы, апублікаваныя на старонках раённай газеты "Зара над Друццю", кнігі "Памяць. Бялыніцкі район" і іншых крыніц.Радзімая прыдруцкая зямля, часцінка нашай любай Беларусі
База дадзеных захоўвае звесткі з гісторыі вёсак Бялыніцкага раёна Магілёўскай вобласці, цікавыя факты пра вядомых жыхароў краю, вершы, легенды і паданні.
Сем цудаў Бялыніцкай зямлі
Інфармацыйны рэсурс знаёміць з прыроднымі і гісторыка-культурнымі аб'ектамі Бялыніцкага раёна Магілёўскай вобласці. Для зручнага выкарыстання база дапоўнена геаграфічным, прадметным і бібліяграфічным паказальнікамі.
Их именами названы улицы Белынич
Біяграфіі і фотаматэрыялы аб шасці Героях Савецкага Саюза: Асмане Касаеве, Мікалаі Кітаеве, Леанідзе Лорчанка, Язэпе Свідзінскім, Сяргею Церашкевічу, Барысу Хігріну, лёсы якіх звязаны з Бялыніцкім краем.
Застаўся ў сэрцы вечны след вайны
У базе, створанай бібліятэкай аграгарадка Цехцін, прадстаўлены кароткія звесткі пра невядомых падпольшчыкаў і ветэранаў Вялікай Айчыннай вайны, ураджэнцаў Цехцінскага сельскага Савета, іх успаміны.
Кароткая краязнаўчая энцыклапедыя Галоўчынскай зямлі
- гістарычна-краязнаўчы даведнік «Галоўчын: пекла сівой даўніны ды нашых дзён» уключае найбольш значныя даты з гісторыі Галоўчынскай зямлі, прадстаўленыя ў храналагічным парадку;
- гістарычнае падарожжа «Галоўчынскі сельскі Савет: Гісторыя, Падзеі, Людзі» пра багатую гісторыю Галоўчынскага сельскага Савета;
- гістарычны даведнік «Гісторыя калгаса «Наша Перамога» раскрывае векавую гісторыю Галоўчынскага СВК;
- гістарычны экскурс «Светач мудрасці» змяшчае матэрыял аб народнай адукацыі Галоўчынскай зямлі.
Літаратурная карта Бялыніцкага раёну
База дадзеных знаёміць з біяграфіямі і творчасцю пісьменнікаў Бялыніцкага раёна.
У ёй сабраны асноўныя біяграфічныя факты: даты, месца нараджэння пісьменнікаў і паэтаў, адукацыя, жыццёвы шлях, пералічваюцца навуковыя і ганаровыя званні, рэспубліканскія, ўсесаюзныя і замежныя ўзнагароды.
История семьи Гарновских
Гісторыка-дакументальная база дадзеных знаёміць з жыццём Казіміра Гарноўскага, першага старшыні калгаса «Чырвоны баец», арганізаванага ў 1929 годзе ў вёсцы Крук Вішаўскага сельскага Савета Бялыніцкага раёна Магілёўскай вобласці. База дапоўненая таксама электроннымі копіямі асабістых дакументаў і фотаздымкамі з асабістага архіва Тамары Гарбулёвай і Галіны Мельнічэнка.
Живопись, которая звучит. Павел Димитриади
Віртуальнае падарожжа па жыццёвым і творчым шляху мастака-пейзажыста, майстра тэматычнай карціны, аўтара герба Магілёўскай вобласці Паўла Дзімітрыядзі.
А я люблю мясціны свае родныя
Краязнаўчы маршрут па славутым мясцінам Вішаўскай зямлі: яблыневы сад у гонар 70-годдзя Перамогі, музей СВК «Калгас «Радзіма», летні амфітэатр і інш.
Вайна. Перамога. Памяць
База дадзеных уключае біяграфіі і ўспаміны ветэранаў і ўдзельнікаў Вялікай Айчыннай вайны Вішаўскага краю, матэрыялы пра помнікі і абеліскі, збудаваныя на тэрыторыі Вішаўскага сельскага Савета.
Цэнтралізаваная бібліятэчная сетка Быхаўскага раёна
Быхаў - старажытная зямля на беразе Дняпра
У базе дадзеных сабраны дакументальныя і бібліяграфічныя звесткі, фота- і відэаматэрыялы пра горад Быхаў.
Плошча герояў - сімвал мужнасці і славы
Плошча Герояў размешчана ў мікрараёне Быхаў-1 г. Быхава. На плошчы ўстаноўлены бюсты 30 воінаў-авіятараў, удастоеных звання Героя Савецкага Саюза. Падрабязна пра гісторыю плошчы і асобах герояў можна даведацца з дадзенага электроннага рэсурсу.
Біяграфія помніка. Лудчыцкая вышыня
Лудчыцкая вышыня - святое месца для воінаў 169-й Рагачоўскай стралковай дывізіі, якія былі ўдзельнікамі і сведкамі масавага гераізму, праяўленага тут летам 1944 года пры вызваленні Беларусі.
База ўключае тры раздзелы: «Тут грукатаў крывавы бой», «Іх імёны на абеліску», «Сімвал мужнасці і гераізму", якія раскрываюць гісторыю памятнага кургана.
Іх мужнасць і подзвіг нам прыклад
Партызанскі полк «Трынаццаць» - найбуйнейшае партызанскае фарміраванне, дзеючае ў гады Вялікай Айчыннай вайны на тэрыторыі Быхаўскага раёна.
Гісторыя фарміравання, звесткі пра яго камандзіру - С. Грышыну, пра найбольш вядомых баявых аперацыях палка ўтрымліваюцца ў дадзеным інфармацыйным рэсурсе.
Летапісцы Быхаўскага краю
Паўнатэкставая база дадзеных знаёміць з мясцовымі краязнаўцамі: краязнаўцамі-аматарамі, музейнымі работнікамі, журналістамі, настаўнікамі, супрацоўнікамі дзяржаўных арганізацый, прафесійная дзейнасць або сфера інтарэсаў якіх звязаны са зборам, назапашваннем і захаваннем інфармацыі аб Быхаўскім краі.
База содержит биографическую и библиографическую информацию, а также тексты документов из фонда центральной районной библиотеки им. Б.В. Стрельцова.
Горецкая районная библиотечная сеть
Жыццёвы і творчы шлях Максіма Гарэцкага
База даных змяшчае біяграфічныя звесткі, алічбаваныя фотаздымкі, кнігі твораў М. Гарэцкага з фонду бібліятэкі, бібліяграфію, поўныя тэксты артыкулаў з перыядычных выданняў пра М. Гарэцкага, успаміны і вершы, прысвечаныя пісьменніку.
Край наш Горацкі
База даных змяшчае фактаграфічны летапіс падзей, якія адбываліся на тэрыторыі горада Горкі і Горацкага раёна за перыяд з 1933 года па цяперашні час і адлюстроўвае падзеі грамадскага жыцця рэгіёну.
Герои земли ректянской
Рэсурс створаны на аснове сабраных бібліятэкарам Рэкцянскай сельскай бібліятэкі матэрыялаў пра гісторыю вёсак Рэкцянскага сельскага Савета і спісаў загінуўшых землякоў у гады Вялікай Айчыннай вайны.
Сетка публічных бібліятэк Глускага раёна
Завалочыцкі край
База даных уключае звесткі па гісторыі вёскі Завалочыцы Глускага раёна, сабраныя бібліятэкарам Т.Г. Кулік, якая больш за 30 гадоў вяла рукапісную летапіс вёскі - радзімы двойчы Героя Савецкага Саюза С.Ф. Шутава і Героя Савецкага Саюза У.А. Рыбака.
Клімавіцкая бібліятэчная сетка
Літаратурныя таленты Клімаўшчыны
У базе сабраны біябібліяграфічныя матэрыялы пра пісьменнікаў і паэтаў Клімавіцкага раёна Магілёўскай вобласці.
Дакраніся да подзвігу сэрцам
Гісторыка-краязнаўчая база аб'ядноўвае ўспаміны, фатаграфіі, лісты з фронту, працы краязнаўцаў, архіўныя дакументы пра гераічны подзвіг климаўчан ў гады Вялікай Айчыннай вайны.
Бібліятэчная сетка Крычаўскага раёна
Гісторыя вёсак Крычаўскага раёну
У бібліяграфічным рэсурсе падаюцца 113 вёсак Крычаўскага раёна Магілёўскай вобласці. Пра кожную даецца гістарычная даведка, кароткае апісанне і спіс крыніц. Да паказальніку створаны даведачны апарат: паказальнікі персаналій і археалагічных помнікаў, а таксама геаграфічны паказальнік.
Круглянская цэнтралізаваная бібліятэчная сістэма
Навукоўцы зямлі круглянскай
Біябібліяграфічны інфармацыйны рэсурс, у якім утрымліваюцца звесткі аб ураджэнцах Круглянскага раёна Магілёўскай вобласці, якія ўнеслі значны ўклад у развіццё навуковай і тэхнічнай думкі з пачатку XX стагоддзя па цяперашні час. База ўключае кароткія біяграфічныя звесткі пра навукоўцаў, а таксама інфармацыю пра адкрыцці і дасягненні, навуковыя даследаванні, галіны дзейнасці кожнай персоны.
Цэнтралізаваная бібліятэчная сетка Асіповіцкага раёна
Пошукава-даследчы краязнаўчы цэнтр «Война. Памяць. Пошук»
Праект, які аб'ядноўвае восем краязнаўчых баз дадзеных, звязаных паміж сабой адзінствам мэт і задач, сярод якіх раскрыццё некаторых новых старонак гісторыі вайны і новых фактаў праз выданне нарысаў і фарміраванне комплексу інфармацыйна-метадычнага забеспячэння функцыянавання сістэмы патрыятычнага выхавання моладзі.
Базы дадзеных: «Продолжим книгу "Память"», «Ты же выжил, солдат», «О войне написано не всё», «Семейная хроника войны», «Письма с фронта – молитва о Победе», «Я помню детство: шла война», «Они вернулись победителями», «Увенчанные славой».
Цэнтралізаваная сетка публічных бібліятэк Слаўгарадскага раёна
Знаёмцеся: Ржавская бібліятэка-філіял
Электронная база даных змяшчае інфармацыю аб адзінай бібліятэцы ў Магілёўскай вобласці, пабудаванай па ініцыятыве ураджэнца вёскі Ржаўка Слаўгарадскага раёна, генерал-маёра авіяцыі Якава Іванавіча Драйчука і яго жонкі Зінаіды Васільеўны з укладам іх асабістых зберажэнняў у будаўніцтва і набыццё кніжнага фонду.
Літаратурная Слаўгарадчына
База даных змяшчае звесткі пра паэтаў і пісьменнікаў - ураджэнцаў Слаўгарадскага раёна.
Навукоўцы Слаўгарадскай зямлі
База даных змяшчае біяграфічныя звесткі аб ураджэнцах Слаўгарадскага раёна, якія ўнеслі найбольшы ўклад у развіццё навукі Беларусі, Расіі і Украіны.
Родныя твары Вялікай Перамогі
Рэсурс змяшчае біяграфічныя звесткі і ўспаміны ўдзельнікаў вайны Слаўгародчыны.
Зніклыя, але не забытыя
Слаўгарадскі раён - адзін з найбольш пацярпелых ад аварыі на Чарнобыльскай АЭС. З карты раёна зніклі 24 населеныя пункты, каля 6,5 тысячы чалавек пакінулі родныя мясціны. Рэсурс змяшчае звесткі аб выселеных і пахаваных вёсках раёна.
Вуліцы горада Слаўгарада
У горадзе Слаўгарадзе налічваецца 53 вуліцы і 15 завулкаў, 11 з якіх носяць імёны людзей, якія па-геройску абаранялі Радзіму ад ворагаў.
Рэсурс ўключае біяграфічныя звесткі і фотаматэрыялы пра людзей, у гонар якіх названы вуліцы горада Слаўгарада.
Бібліятэчная сетка Хоцімскага раёна
Памяць пра вайну
База складаецца з некалькіх раздзелаў: «Лісты, якія прыйшлі з вайны» - франтавыя лісты з сямейных архіваў хацімчан, «Прачытай кнігу пра вайну - дакраніся сэрцам да подзвігу» - віртуальная кніжная выстава, «Жывеш на вуліцы героя. Што ведаеш пра лёс яго?» - фотасправаздача аб патрыятычнай акцыі, «Асобы Перамогі: Аляксандра Райдудина» - матэрыял пра лёс бібліятэкара-ветэрана Вялікай Айчыннай вайны, а таксама аудыяматэрыял у раздзеле «Цыкл радыёперадач пра Вялікую Айчынную вайну».
Зялёная старонка Бяседавічскай бібліятэкі флоры і фауны
Электронны рэсурс, які прадстаўляе рэгіянальную інфармацыю экалагічнай тэматыкі. У раздзеле «Экалагічнае краязнаўства» прадстаўлены асабліва ахоўныя тэрыторыі раёна, найбольш прывабныя для экалагічнага турызму.
Цэнтралізаваная бібліятэчная сетка Шклоўскага раёна
Пётр Алейнікаў: гады вялікага жыцця
Электронны рэсурс змяшчае біяграфічныя дадзеныя, фільмаграфію акцёра, бібліяграфічныя апісанні дакументаў аб жыцці і дзейнасці Пятра Алейнікава на рускай і беларускай мовах. Бібліяграфічныя апісанні згрупаваныя па тэмах: «Жыццё і творчасць Пятра Алейнікава», «Дом-музей», «Помнік знакамітаму земляку».
Легенды і паданні роднага краю
Інфармацыйны рэсурс знаёміць з легендамі і паданнямі пра паходжанне назвы месцаў і населеных пунктаў Шклоўскага раёна Магілёўскай вобласці.
Выдатныя вучоныя - нашы землякі
У базе даных прадстаўлены звесткі аб жыцці і прафесійнай дзейнасці таленавітых людзей Шклоўскага раёна Магілёўскай вобласці.
Культурныя набыткі Шклоўшчыны
Рэсурс складаецца з трох раздзелаў: «Шклоўшчына: гісторыя і сучаснасць», «Памятныя мясціны Шклоўшчыны», «Літаратурнае Сузор'е Шклоўшчыны», матэрыялы якіх дапамогуць карыстачам пазнаёміцца з гісторыяй і сучаснасцю Шклоўскага краю.
Цэнтралізаваная сістэма дзяржаўных публічных бібліятэк г. Магілёва
Магілёў: вуліцы
Фактаграфічная база даных змяшчае звесткі аб вуліцах горада, названых у гонар знакамітых людзей Беларусі, блізкага і далёкага замежжа.
Магілёў: вядомы і невядомы
Краязнаўчая база дадзеных пра горад Магілёў. Змяшчае гісторыю геаграфічных аб'ектаў, дапоўненую фотаматэрыяламі, даведнікам цікавых і карысных месцаў горада, а таксама бібліяграфічны спіс кніг пра Магілёў.
«Праз уласнае сэрца ...»
Інфармацыйны рэсурс створаны да 100-годдзя з дня нараджэння народнага паэта Беларусі А.А.Куляшова і складаецца з некалькіх раздзелаў: біяграфія, жыццё, каханне, па старонках «Хамуціуса», гісторыя стварэння верша «Бывай ...»
Магілёў у друку
Штодня абнаўляецца паўнатэкставая база артыкулаў з мясцовых перыядычных выданняў Магілёўскай вобласці, дапоўненая храналагічным і тэматычным рубрыкатарам.
Славутыя на ўсе вякі
Магілёў ўнёс значны ўклад у справу развіцця кнігадрукавання на Беларусі. Галоўная мэта рэсурсу «Славутыя на ўсе вякі» - паказаць ролю і значэнне горада ў стварэнні і прымнажэнні сусветнай культурнай спадчыны, пазнаёміць з кніжнымі помнікамі і лёсамі магілёўскіх кнігавыдаўцоў.
Магілёўская абласная бібліятэка ім. У.І. Леніна
Афганістан - наша памяць і боль
Краязнаўчая фактаграфічная база дадзеных, створаная з мэтай ушанаваць даніну памяці воінам-інтэрнацыяналістам, звязаным з Магілёўскай вобласцю месцам нараджэння ці пражывання, тым, хто праявіў найвышэйшую сілу духа, самаадданасць, гераізм, выконваючы свой баявы абавязак. Матэрыял згрупаваны па алфавіце раёнаў вобласці, асобна прадстаўлены Магілёў і Бабруйск.
Віртуальны музей Аркадзя Куляшова
База дадзеных раскрывае розныя бакі шматграннай жыццёвай і творчай дзейнасці народнага паэта Беларусі, істотна дапаўняе выкладзеную ў даведніках біяграфію паэта; многія звесткі падмацаваныя ўспамінамі родных, сяброў і калег па пяру, тэкстамі выступленняў А. Куляшова, інтэрв'ю, лістамі, архіўнымі дакументамі і матэрыяламі, фотаздымкамі. Утрымлівае поўны спіс кніг, тэксты асобных твораў, публіцыстычных артыкулаў, копіі рукапісаў і машынапісы з аўтарскай праўкай, аўдыёзапісы твораў у выкананні аўтара.
Жывая памяць пакаленняў
Рэсурс змяшчае ўспаміны і біяграфічныя дадзеныя жыхароў Магілёўшчыны - франтавікоў, партызанаў, падпольшчыкаў, відавочцаў Вялікай Айчыннай вайны, працаўнікоў тылу, у тым ліку аўдыё- і відэазапісы, копіі франтавых лістоў.
Кнігадрукары Магілёўшчыны
База даных змяшчае біяграфічныя дадзеныя пра Пятра Мсціслаўца і іншых асветнікаў, першадрукароў - ураджэнцаў Магілёўшчыны, спісы крыніц інфармацыі, ілюстрацыйныя матэрыялы.
Край мой - Магілёўшчына
Рэсурс змяшчае фактаграфічную, бібліяграфічную і паўнатэкставую інфармацыю аб раёнах Магілёўскай вобласці. Па кожным раёне прыводзяцца звесткі аб яго геаграфічным становішчы, прыродных рэсурсах, гісторыі, вядомых людзях, эканоміцы, культуры і мастацтве.
Акрамя гэтага, у базу дадзеных уключана інфармацыя аб найбуйнейшых прадпрыемствах і ўстановах вобласці, аб развіцці сельскай гаспадаркі і вядучых галін прамысловасці, аб стане аховы здароўя і адукацыі Магілёўскай вобласці.
Малая радзіма. Вёсачкі з вялікай гісторыяй
Электронны рэсурс складаецца з пяці раздзелаў: "Аўтэнтычная культура, старажытныя традыцыі», «Таямнічая прыгажосць прыроды», «Шэдэўры архітэктурнай спадчыны», «Унікальнае сакральнае дойлідства», «На карысць малой радзімы», дзе прадстаўлена інфармацыя аб архітэктурных і прыродных помніках, аб'ектах нематэрыяльнай гісторыка-культурнай спадчыны Магілёўшчыны, якая адлюстроўвае малавядомую ў межах Беларусі і свету шматвяковую гісторыю і культуру малой радзімы.
Арыенцір: бібліятэчнае прастора - маладому пакаленню
Інфармацыйны рэсурс па папулярызацыі здаровага ладу жыцця, прафілактыцы правапарушэнняў і злачынстваў, стварэнню ўмоў для рэалізацыі творчага патэнцыялу ў падлеткаў і моладзі. Складаецца з некалькіх раздзелаў: «Падзеі і мерапрыемствы», «Твая тэрыторыя», «Валанцёрскі рух», «Сацыяльная служба», «Тэрыторыя творчасці», якія рэгулярна абнаўляюцца. Адлюстроўваецца дзейнасць юнацкага аддзела і спецыялістаў сацыяльна важных устаноў горада ў рамках лекторыя «Арыенцір».
Пад Чарнобыльскім попелам
Таленты ад роднай зямлі
Фактаграфічная літаратурна-краязнаўчая база даных змяшчае звесткі пра больш чым 360 персаналій - пісьменнікаў, паэтаў, літаратуразнаўцаў - ураджэнцаў Магілёўскай вобласці і звязаных з ёй сваім жыццём і творчасцю - і з'яўляецца абагульненнем інфармацыі аб літаратурных традыцыях Магілёўшчыны.
Рэсурс змяшчае біяграфічную, фактаграфічную і бібліяграфічную інфармацыю, рэгулярна дапаўняецца новымі звесткамі.
