Стартуе рэспубліканская акцыя “Сямейнае чытанне” – працяг творчага праекта “Лета з добрай кнігай”.
У мінулыя гады па ўсёй краіне падчас летніх канікул у лагерах, на школьных аздараўленчых пляцоўках, у бібліятэках прайшлі тысячы сустрэч з дзіцячымі пісьменнікамі і паэтамі, кнігавыдаўцамі, супрацоўнікамі літаратурна-мастацкіх выданняў.
Да ўдзелу ў рэспубліканскай акцыі “Сямейнае чытанне”, адкрыццё якой прымеркавана да Дня маці (14 кастрычніка), запрашаюцца абласныя і раённыя выканаўчыя камітэты, бібліятэкі, Саюз пісьменнікаў Беларусі, дзяржаўныя і прыватныя кніжныя выдавецтвы.
Пляцоўкай акцыі стануць кнігарні, бібліятэкі, школы краіны. Пісьменнікі Беларусі правядуць прэзентацыі сваіх кніг, аўтограф-сесіі, прымуць удзел у кніжных кірмашах, фестывалях сямейнага чытання, кніжных марафонах.
Вельмі спадзяёмся, што да акцыі “Сямейнае чытанне” далучацца мецэнаты, усе, хто любіць і шануе кнігу. Таксама – на ўвагу і шырокае асвятленне гэтага праекта сродкамі масавай інфармацыі.
Заснавальнікі акцыі:
Міністэрства інфармацыі Рэспублікі Беларусь
ГА “Беларускі саюз жанчын”
ГА “Саюз пісьменнікаў Беларусі”
РВУ “Выдавецкі дом “Звязда”
Інфармацыйныя каардынатары:
газеты “Звязда”, “Літаратура і мастацтва”
Крыніца: Міністэрства інфармацыі Рэспублікі Беларусь
Чытайце таксама: