Лета не сыходзіць без падарункаў, яно пакідае нам багаты ўраджай, цёплыя ўспаміны, новыя знаёмствы. Менавіта з такой філасофіяй Дзяржаўны літаратурна-мемарыяльны музей Якуба Коласа прапануе правесці апошнюю суботу лета – 2016 Года культуры.
“ПаКаласімся!” разам у добрай праверанай кампаніі? Тым больш што для гэтага ёсць цудоўная нагода – 60 гадоў з часу заснавання ўстановы. Свята адбудзецца 27 жніўня а 16-й па адрасе: вул. Акадэмічная, 5.
На “ПаКаласімся!” вы можаце стаць удзельнікамі майстар-класаў ад Паўла Вайніцкага, які навучыць працаваць нават з самым нязграбным матэрыялам і рабіць з яго так званыя “трэшкі” (нейкае побытавае смецце – тыя самыя “трэшкі” – можна прынесці з сабой); ад мастака Андрэя Дубініна, што распавядзе і пакажа, як рэалістычна выпісваюцца выявы рук і ног; ад мастака Алеся Квяткоўскага, гуру “мядовых” карцін; ад скульптара Сяргея Кляшчука, майстра драўляных фігур; ад музыкантаў Леаніда Нарушэвіча, які прадэманструе гі тарную інтуітыўную імправізацыю, і Уладзіміра Дрындрожыка, што абяцае навучыць ігры на драўляных духавых; ад знакамітага “Спеўнага Сходу”, які навучыць правільна дыхаць і спяваць родныя песні...
У культурнай праграме вечара – флэш-моб ад часопіса “Мастацтва”, на якім можна паспрабаваць сябе ў стварэнні хэндмэйдаўскіх часопісных вокладак, журналісцкія байкі ад карэспандэнтаў “Культуры”, прагляд кароткаметражных стужак маладога беларускага дакументаліста Ігара Чашчэні ва ўтульнай гасцёўні самога Якуба Коласа на другім паверсе сядзібы-музея, а таксама гарачая гарбата з беларускіх зёлак (а гарбату, дарэчы, любіў знакаміты пісьменнік).
Першым пяці гасцям супрацоўнікі музея абяцаюць правесці ўнікальную экскурсію па самых таямнічых кутках дома-музея. Паверце, іх у сядзібе многа: гэта і сутарэнні, і асабісты кабінет пісьменніка, яго спальня, адкрыты балкон з відам на зялёны двор. Шмат будзе і фотаздымкаў, адшукаць іх у сеціве можна будзе па хэш-тэгу #пакаласімся. Дарэчы, раім сачыць за інфармацыяй, звязанай з “ПаКаласімся!” на старонках Музея Якуба Коласа і газеты “Культура”, што інфармацыйна дапамагае ўстанове ў сацыяльных сетках.
Чакаем сваіх чытачоў 27 жніўня з нецярпеннем! З кім сустрэнемся, з кім – развірталізуемся і з усімі – “ПаКаласімся!”.
Крыніца: газета “Культура”, 20.08.2016.
Чытайце таксама:
- Выставка "Якуб Колас и русские писатели" в Калининграде
- Каникулы в Доме Коласа
- Колас. Блок. Пушкін
- Акінчыцы, Альбуць, Смольня…
- 55 лет с момента открытия музея Якуба Коласа
- Каласкі ад Коласа
- Кавалачак гісторыі беларускай літаратуры, не закрануты навамоднымі павевамі
- Материалы из фондов музея Якуба Коласа представлены в Калининграде
- У музеі Якуба Коласа з'явяцца постаці яго герояў
- Побывавший в космосе сборник стихов Коласа на две недели выставили в Минске
- Проект, посвященный 90-летию издания «Новай зямлі»
- Выставка «Дорога Якуба Коласа» проходит в Литве
- В Вильнюсе экспонируются вещи Якуба Коласа
- У кантэксце інтэрактыву
- Музей Якуба Коласа приглашает
- Класікам у замежжы
- Новый проект представлен в музее Якуба Коласа
- Выставка расскажет историю дружбы Купалы и Коласа
- Выставка в России посвящена Я. Купале и Я. Коласу
- Акция «130 посвящений Песняру»
- 3 ноября – день рождения Якуба Коласа
- Юбилей музея Якуба Коласа
- Литературный праздник «Коласовины»
