ГалоўнаяНавіныНавіны Нацыянальнай бібліятэкі Беларусі
Жывапіс раскрыжаванай душы
Кніга ў Венесуэле

Удзел бібліятэкі ў XIX Мінскай МКВК

Удзел бібліятэкі ў XIX Мінскай МКВК
Іншыя навіны

8–12 лютага Нацыянальная бібліятэка Беларусі традыцыйна прымала ўдзел у XIX Мінскай міжнароднай кніжнай выстаўцы-кірмашы, якая праходзіла ў Нацыянальным выставачным цэнтры “БелЭкспа”.


Кніжная выстаўка ў Мінску з кожным годам карыстаецца ўсё большым аўтарытэтам, што пацвярджаецца пастаянным ростам колькасці краін-удзельніц, а таксама наведвальнікаў. Сёлета свае стэнды прадставілі больш за шэсцьсот экспанентаў з дваццаці краін свету. Ганаровым госцем выстаўкі выступіла Венесуэла, якая пазнаёміла наведвальнікаў з рознымі напрамкамі культуры і прадставіла шырокай беларускай грамадскасці выданні рознай тэматычнай скіраванасці – гістарычныя, дзіцячыя, а таксама кнігі, прысвечаныя сучаснай Венесуэле.

На экспазіцыйна-выставачным стэндзе Нацыянальнай бібліятэкі Беларусі было прадстаўлена каля 50 друкаваных і электронных дакументаў, падрыхтаваных і выдадзеных бібліятэкай за апошнія гады. Наведвальнікі выстаўкі пазнаёміліся з друкаванай прадукцыяй (матэрыяламі канферэнцый, бібліяграфічнымі паказальнікамі, выданнямі, якія папулярызуюць фонд бібліятэкі) і электроннымі выданнямі: базамі даных па гісторыі, культуры, мастацтве Беларусі, як бібліяграфічнымі, так і паўнатэкставымі.

9 лютага ў рамках XIХ Мінскай міжнароднай кніжнай выстаўкі-кірмашу ў канферэнц-зале Нацыянальнай бібліятэкі Беларусі прайшло пасяджэнне круглага стала “Кніга і чытанне ва ўмовах фарміравання электроннага асяроддзя”.

10 лютага ў галоўным прэзентацыйным павільёне НВЦ “БелЭкспа” адбылася прэзентацыя навукова-выдавецкіх праектаў Нацыянальнай бібліятэкі Беларусі ў галіне захавання і папулярызацыі нацыянальнай кніжнай спадчыны. Сярод іх – электроннае выданне “Беларуская і руская літаратура ў дапамогу навучэнцам”; сумесны праект Нацыянальнай бібліятэкі Беларусі і фонду “Русский мир” па алічбоўцы памятных кніжак Мінскай, Магілёўскай і Віцебскай губерняў другой паловы XIX – пачатку XX ст.; камплект паштовак канца XIX – пачатку XX ст. “Мінск старадаўні” (рэпрынт); календары “Магдэбургскае права на Беларусі” з серыі “Памятаем пра мінулае, рухаючыся ў будучыню”.

Таксама ў гэты дзень у рамках XIX Мінскай міжнароднай кніжнай выстаўкі-кірмашу ў Нацыянальнай бібліятэцы Беларусі прайшоў форум “Кніга ў Венесуэле” і цырымонія перадачы ў дар венесуэльскіх кніг.

У рамках правядзення выстаўкі фонды Нацыянальнай бібліятэкі Беларусі папоўніліся на 600 выданняў, 500 з якіх перадаў у дар бібліятэцы Міждзяржаўны фонд гуманітарнага супрацоўніцтва дзяржаў – удзельніц СНД.

За актыўны ўдзел і цікавую экспазіцыю Нацыянальная бібліятэка Беларусі ўзнагароджана дыпломам.

Навіны

Дызайн выдавецкай маркі Крыстафа Плантэна: погляд праз 500 гадоў

1 Чэр 2020

Сёлета святкуецца 500-годдзе знакамітага выдаўца Крыстафа Плантэна, які заснаваў ў XVI ст. тыпаграфію ў Антверпене і паступова ператварыў яе ў адну з лепшых у Еўропе. Ува многіх музеях і бібліятэках свету запланаваны мерапрыемствы, прымеркаваныя да святкавання юбілею друкара. Каб адзначыць юбілейную дату, Нацыянальная бібліятэка Беларусі таксама падрыхтавала шэраг акцый.

Навіны Нацыянальнай бібліятэкі Беларусі

Да 90-годдзя з дня нараджэння ветэрана Нацыянальнай бібліятэкі Беларусі В.Н. Дышыневіч

31 Май 2020

Валянціна Нікіфараўна Дышыневіч нарадзілася 31 мая 1930 г. у Омску ў сям'і служачага. Скончыўшы 3 класы пачатковай школы, 10-гадовая Валянціна з бацькамі пераехала ў Гродна па месцы працы бацькі (ён быў лекарам).

Партрэты: гісторыя бібліятэкі ў асобах

111 гадоў Віцебскай вучонай архіўнай камісіі

31 Май 2020

31 мая 1909 г. адбылося адкрыццё і першае пасяджэнне Віцебскай вучонай архіўнай камісіі (ВВАК). Яна стала навуковым, культурным, адукацыйным цэнтрам, вакол якога групавалася мясцовая інтэлігенцыя.

Па старонках беларускага календара

Жыццёвая арыфметыка:  апавяданне “Урок арыфметыкі” Вячаслава Адамчыка

1 Чэр 2020

Вячаслаў Адамчык у сваім поўным светлай настальгіі апавяданні расказвае гісторыю першай падлеткавай улюблёнасці – тым больш пранізлівую, што адбываецца ўсё ў “апошні год вайны”. Гэта апавяданне-ўспамін, сумнае і радаснае адначасна, як любы драбок памяці пра незваротнае і няспраўджанае.

Блог прафесійнага чытача

111