16–17 мая ў Мінску адбудуцца ХХХ Кірыла-Мяфодзіеўскія чытанні “Духоўная і свецкая адукацыя: гісторыя і перспектывы ўзаемадзеяння (да 20-годдзя Інстытута тэалогіі БДУ)”.
17 мая ў рамках ХХХ Міжнародных Кірыла-Мяфодзіеўскіх чытанняў адбудзецца ХХ навукова-практычная канферэнцыя “Духоўнае адраджэнне грамадства і праваслаўная кніга”, да якой будзе прымеркавана святочнае мерапрыемства, прысвечанае 20-годдзю Каардынацыйнага савета па бібліятэчнай дзейнасці пры Сінадальным аддзеле рэлігійнай адукацыі і катэхізацыі Беларускай праваслаўнай царквы (БПЦ). Каардынацыйны савет гістарычна з'яўляецца пераемнікам Метадычнага аб'яднання праваслаўных бібліятэкараў, створанага ў 2004 годзе па благаславенні Першага Патрыяршага Экзарха ўсяе Беларусі, мітрапаліта Філарэта (Вахрамеева; 1935–2021).
Арганізатар канферэнцыі: Каардынацыйны савет па бібліятэчнай дзейнасці Сінадальнага аддзела рэлігійнай адукацыі і катэхізацыі БПЦ.
Да ўдзелу ў канферэнцыі запрашаюцца кіраўнікі і спецыялісты бібліятэк БПЦ, публічных бібліятэк Міністэрства культуры Рэспублікі Беларусь, бібліятэк устаноў сярэдняй агульнай, спецыяльнай і вышэйшай адукацыі Міністэрства адукацыі Рэспублікі Беларусь, бібліятэк іншых міністэрстваў і ведамстваў Рэспублікі Беларусь, прадстаўнікі структур БПЦ.
Кароткая праграма мерапрыемства:
10.00–10.30 – Рэгістрацыя ўдзельнікаў канферэнцыі
10.30–11.15 – Урачыстае пасяджэнне
11.25–12.50 – Даклады
Рэгламент для дакладаў – да 20 хв.
12.50 – Агульнае фота
13.00 – Экскурсія па храме іконы Божай Маці “Усіх тужлівых Радасць”
Месца правядзення мерапрыемства – канферэнц-зала прыхода іконы Божай Маці “Усіх тужлівых Радасць” па адрасе: г. Мінск, вул. Прытыцкага, 65 (ст. м. Спартыўная).
Удзел у канферэнцыі бясплатны. Транспартныя выдаткі, пражыванне, харчаванне – за кошт камандзіруючага боку.
Рэгістрацыя для ўдзелу ў рабоце канферэнцыі працягнецца да 15 мая 2024 г.
З матэрыяламі і праграмай семінара можна будзе азнаёміцца на сайтах:
Матэрыял пададзены навукова-даследчым аддзелам бібліятэказнаўства.