Напярэдадні Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь па ўсёй краіне праходзяць мерапрыемствы, тэматычныя флэшмобы і акцыі.
Нацыянальная бібліятэка Беларусі далучылася да святочных мерапрыемстваў. Калектыў “алмаза ведаў” узяў удзел у агульнагарадскім флэшмобе і выканаў Дзяржаўны гімн Рэспублікі Беларусь, тым самым аддаючы даніну павагі тром дзяржаўным сімвалам Беларусі.
Дзяржаўны герб, Дзяржаўны сцяг і Дзяржаўны гімн Рэспублікі Беларусь – гэта сімвалы нашай гістарычнай памяці, якія звязваюць разам гераічнае мінулае, сучаснасць і будучыню беларускай дзяржавы. Яны з'яўляюцца найважнейшымі атрыбутамі суверэнітэту і незалежнасці Айчыны.
Матэрыял пададзены аддзелам сувязей з грамадскасцю.
