10 лютага ў галерэі “Лабірынт” у рамках XIХ Мінскай міжнароднай кніжнай выстаўкі-кірмашу адбыўся форум “Кніга ў Венесуэле” і цырымонія перадачы ў дар венесуэльскіх кніг.
Адкрылі мерапрыемства дырэктар Нацыянальнай бібліятэкі Беларусі Раман Сцяпанавіч Матульскі і другі сакратар Пасольства Баліварыянскай Рэспублікі Венесуэла, загадчыца аддзела гандлёва-эканамічнага супрацоўніцтва і СМІ Марыя Алена Рохас.
У форуме ўзялі ўдзел знакаміты венесуэльскі пісьменнік Луіс Брыта Гарсія; старшыня Цэнтра лацінаамерыканскіх даследаванняў Ромула Гальегаса Раберта Эрнандэс Мантоя; загадчыца аддзела выдавецкай дзейнасці Венесуэльскага інстытута навуковых даследаванняў Памэла Навара; саветнік Цэнтральнага банка Венесуэлы, каардынатар выдання “Венесуэла і нафта” Карлас Мендоса Патэлья; загадчыца аддзела публікацыі Цэнтральнага банка Венесуэлы Марыя Валянціна Ароя.
Венесуэльскія госці падрабязна расказалі пра кнігавыдавецтва, развіццё бібліятэчнай справы, пра барацьбу супраць непісьменнасці, павышэнне ўзроўню адукацыі ў Венесуэле.
У рамках сустрэчы адбылася цырымонія перадачы ў дар кніг Нацыянальнай бібліятэцы Беларусі ад Міністэрства народнай улады па адукацыі і Міністэрства народнай улады па культуры Баліварыянскай Рэспублікі Венесуэла, Цэнтральнага банка Венесуэлы, Венесуэльскага інстытута навуковых даследаванняў.
Чытайце таксама: