ГалоўнаяНавіныНавіны Нацыянальнай бібліятэкі Беларусі
Бясконца дарагая і родная
Полацкае Евангелле

Удзел бібліятэкі ў рабоце ХХI ММКВК

Удзел бібліятэкі ў рабоце ХХI ММКВК
Іншыя навіны

5–9 лютага Нацыянальная бібліятэка Беларусі прымала ўдзел у рабоце ХХI Мінскай міжнароднай кніжнай выстаўкі-кірмашу, якая праходзіла ў Нацыянальным выставачным цэнтры “БелЭкспа”.


Кніжная выстаўка ў Мінску з кожным годам заваёўвае ўсё большы аўтарытэт, што пацвярджае пастаянны рост колькасці экспанентаў і наведвальнікаў. У гэтым годзе свае стэнды прадставіла 26 краін. Ганаровым госцем сёлета была кожная з іх, паколькі лозунг выстаўкі-кірмашу ў Год гасціннасці – “Усе кнігі ў госці да нас! Усе краіны ў госці да нас!”

На экспазіцыйна-выставачным стэндзе Нацыянальнай бібліятэкі Беларусі наведвальнікі змаглі азнаёміцца з вялікай колькасцю друкаваных і электронных дакументаў, падрыхтаваных і выдадзеных бібліятэкай за апошнія гады. Таксама ўвазе наведвальнікаў былі прадстаўлены ўнікальныя факсімільныя выданні – Баркалабаўскі летапіс, Полацкае Евангелле, віленскі “Буквар” 1767 г.

6 лютага ў рамках адкрыцця XХI Мінскай міжнароднай кніжнай выстаўкі-кірмашу адбылася прэзентацыя электронных праектаў бібліятэкі “Юзаф Ігнацы Крашэўскі” і “Памятные книжки Гродненской губернии”.

Пад час выстаўкі вялікую цікавасць наведвальнікаў выклікалі каталогі-рарытэты, выданні па краязнаўстве. Без належнай ўвагі не засталася першая старонка шматтомнага факсімільнага выдання кніжнай спадчыны Францыска Скарыны (падпісанне ў друк першай старонкі факсіміле ў снежні 2013 г. дало старт агульнанацыянальнаму праекту, прымеркаванаму да 500-годдзя айчыннага кнігадрукавання і разлічанаму на 2013–2017 гг.), матэрыялы па афармленні навуковых прац, выдавецкая прадукцыя, у тым ліку камплекты паштовак “Раслінны і жывёльны свет у рукапісах і старадруках” і “Дзяцінства светлая пара” з фондаў Нацыянальнай бібліятэкі Беларусі. Сярод электронных выданняў найбольш папулярнымі аказаліся мультымедыйныя навінкі гэтага года, а таксама электронныя выданні памятных кніжак беларускіх губерняў папярэдніх гадоў.

Традыцыйна ў рамках правядзення выстаўкі Нацыянальнай бібліятэкай Беларусі былі прыняты ў дар друкаваныя выданні.

Нацыянальная бібліятэка Беларусі як рэспубліканскі інфармацыйны і сацыякультурны цэнтр паказала сябе на высокім узроўні, не ўступіўшы іншым удзельнікам выстаўкі-кірмашу ў якасці выдавецкай прадукцыі, у сувязі з чым была ўзнагароджана Дыпломам XХІ Мінскай міжнароднай кніжнай выстаўкі-кірмашу “За актыўны ўдзел і цікавую экспазіцыю”.

Навіны

Рэсурсы віртуальнай чытальнай залы НББ – для інклюзіўнай адукацыі

1 Сне 2020

1 снежня ў межах мерапрыемстваў віртуальнай чытальнай залы Нацыянальнай бібліятэкі Беларусі адбылася прэзентацыя ліцэнзійных электронных інфармацыйных рэсурсаў (ЭІР) і спецыяльных распрацовак для забеспячэння інфармацыйных патрэб людзей з паслабленым зрокам і невідушчых людзей.

Навіны Нацыянальнай бібліятэкі Беларусі

27 Ліс 2020

У Оршы – родным горадзе Уладзіміра Караткевіча – да 90-годдзя з дня яго нараджэння намалявалі мурал у гонар літаратара. Вялікі партрэт класіка ўпрыгожыў жылы дом на рагу вуліц Уладзіміра Караткевіча і Жан-Поля Марата.

Навіны бібліятэк

Мерапрыемства да 75-годдзя агульнай Перамогі ў Музеі гісторыі Вялікай Айчыннай вайны

30 Ліс 2020

27 лістапада ў рамках візіту расійскай дэлегацыі ў Музеі гісторыі Вялікай Айчыннай вайны адбылася дыскусія на тэму “Да 75-годдзя агульнай Перамогі. Роля расійскай і беларускай культуры ў захаванні гістарычнай памяці і процідзеянні фальсіфікацыі гісторыі”.

Навіны Нацыянальнай бібліятэкі Беларусі

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

111