ГалоўнаяНавіныНавіны Нацыянальнай бібліятэкі Беларусі
Візіт госці з Мадрыда
Зоркі і васількі сплятаюцца ў “Вянок” у Белдзяржфілармоніі

“Навагодняя кругасветка”: з надыходзячым 2018-м!

“Навагодняя кругасветка”: з надыходзячым 2018-м!
Іншыя навіны

28 снежня ў канферэнц-зале прайшоў святочны канцэрт “Вакол свету ў Новы год” для супрацоўнікаў бібліятэкі.


Завяршаючы год, кожны чалавек не толькі ў думках падводзіць яго вынікі, але і абавязкова загадвае жаданні. І, нягледзячы на тое, што ў календары пануе зіма, шмат хто ўжо марыць пра адпачынак, цёплае лета і далёкія краіны.

“Кажуць пад Новы год, што ні пажадаецца, заўсёды ўсё адбудзецца, заўсёды ўсё здзяйсняецца!” Праўду кажуць! Супрацоўнікі Нацыянальнай бібліятэкі падчас канцэрта змаглі адправіцца ў займальную кругасветку ў кампаніі харызматычных вядучых-падарожнікаў Наталіі Мельнічук, Святланы Гаўрылавай і Аляксея Тарасава.

Дырэктар бібліятэкі Раман Матульскі павіншаваў калег з надыходзячым Новым годам і даў старт падарожжу, пасля чаго разам з шоу-балетам Maldivа усе адправіліся весяліцца на карнавал у гарачую Бразілію.

Прама па курсе – краіна трапічных джунгляў і пустынь Мексіка, вядомая бясконцымі серыяламі і ансамблямі марыячы. Чароўныя хлопцы ў самбрэра з музычнага калектыву Mariachi віталі падарожнікаў сапраўднымі мексіканскімі песнямі.

А вось меладычнасцю французскай мовы гледачы цешыліся ў падарожжы па рамантычнай Францыі. Дзве вядомыя францужанкі, прыемна адзначыць, супрацоўніцы бібліятэкі Людміла Гарбачова і Людміла Курыліна, пазнаёмілі гледачоў з тонкасцямі французскага стылю і настроем французскага шансона.

Далей маршрут пралягаў праз Шатландыю. Каларыт гэтай загадкавай краіны падаравалі прысутным валыншчыкі дуэта PiobROCK. Гасцінная Грузія сустракала сардэчна і ветліва – гучалі традыцыйныя тосты і радаваў ансамбль грузінскага танца “Сонечная Грузія”.

Дакрануцца да культуры і традыцый усходніх краін гледачы змаглі, адправіўшыся ў Кітай і В’етнам. Студэнт Беларускай дзяржаўнай акадэміі музыкі Цуі Вань Хао выканаў кітайскую песню “Добрая маці – Радзіма”, а супрацоўнікі Нацыянальнай бібліятэкі – в’етнамскі танец з веерамі.

І які ж Новы год без Дзеда Мароза і Снягуркі?! Яны павіншавалі супрацоўнікаў вясёлай песняй, пажадаўшы вялікага шчасця і веры ў цуды. У завяршэнні святочнага канцэрта падарункам для ўсіх стала выступленне арт-групы “Беларусы”.

Дарагія калегі! З надыходзячым 2018 годам!
Добрага святочнага настрою, прыемных падарункаў і сюрпрызаў,
здароўя, любові і радасці вам і вашым блізкім!

Чытайце таксама:

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111