ГалоўнаяНавіныНавіны бібліятэк
“Навагодняя кругасветка”: з надыходзячым 2018-м!
Падзяка калектыву бібліятэкі

Зоркі і васількі сплятаюцца ў “Вянок” у Белдзяржфілармоніі

Зоркі і васількі сплятаюцца ў “Вянок” у Белдзяржфілармоніі
Іншыя навіны

Нацыянальным акадэмічным народным аркестрам імя Іосіфа Жыновіча адноўлена праграма “Вянок” на вершы Максіма Багдановіча, створаная калісьці Уладзімірам Мулявіным і “Песнярамі”.


У 1991-м гэта быў не проста ўспамін пра беларускага лірыка Максіма Багдановіча. Гэта быў цыкл песень, які даваў магчымасць адчуць смак мовы – важная тэма, асабліва актуальная на той час. А 100-годдзе Багдановіча было яшчэ адной нагодай прыслухацца, услухацца. Пачуць. І засведчыць – ва ўвесь голас, – што ёсць нацыя, якая натхняла паэта Багдановіча. Нездарма праграма “Вянок”, створаная паводле яго вершаў “Песнярамі”, прагучала ўпершыню ў Бібліятэцы Аб’яднаных нацый у Нью-Ёрку. Нібыта маніфест – для іншых. Аднак патрэбна гэта было найперш на радзіме, якая тады ўсведамляла сябе.

Але праграма цалкам на радзіме была выканана “Песнярамі” толькі адзін раз: 9 снежня 1991 года ў Белдзяржфілармоніі. Вельмі прадуманая як па драматургіі, так і па музыцы, яна выводзіла вобраз паэта, прапаноўвала паразважаць пра яго лёс. Разважлівы тон задае песня “Ой, чаму я стаў паэтам”, і далей мы разам з ім (героем) думаем пра жыццё на радзіме і на чужыне, шукаем шчасця і марым пра каханне пад светлымі зоркамі. Ідзём за зоркай і імкнёмся наперад – не спыніць.

Вянок – гэта кола з кветак. І ў музычным “Вянку” ўсё так. Некаторыя песні з гэтай праграмы мелі свой лёс і ўжо былі папулярныя: “Вераніка” (Ігара Лучанка) і “Зорка Венера” (з музыкай Сымона Рак-Міхайлоўскага). Але праграма нарадзіла яшчэ шэраг хітоў, напрыклад задорную песняроўскую “Лявоніху”. А лірычныя “Слуцкія ткачыхі”? Таксама песня стала гучаць як самастойны твор. Яшчэ некалькі цудоўных лірычных песень гучалі потым у выкананні розных беларускіх артыстаў. Зварот да твораў з цыкла “Вянок” так ці інакш быў. Асабліва калі трэба было ўспомніць Паэта: гучалі пранікнёныя прыгожыя песні “Па-над белым пухам вішняў” ці “У Максіма на кашулі вышыты галубкі”. На гэта папрацаваў кампазітар і аранжыроўшчык Ігар Палівода, стварыўшы рок-оперу “Максім”, – гэта ўжо крыху іншая гісторыя, але таксама натхнёная Багдановічам.

Цяпер у нас ёсць магчымасць пачуць “Вянок” такім, як ён гучаў тады ў разуменні Уладзіміра Мулявіна. І ў гэтым ёсць самая вялікая інтрыга: бо музычны матэрыял цяпер аднаўляўся па захаваных рэпетыцыйных запісах. У “Песняроў” заўсёды быў моцны і адданы фан-клуб з вялікай колькасцю прыхільнікаў у розных гарадах былога Саюза. У прыватнай калекцыі Уладзіміра Пазняка з Масквы знайшоўся аўдыязапіс прагону праграмы “Вянок” у Белдзяржфілармоніі (1991 года). На падставе яго лічбавай копіі і па ініцыятыве яе ўладальніка “Вянок” аднаўляўся ў беларускім аркестры ў поўным аб’ёме: усе 15 песень.

Але 12 студзеня, у дзень нараджэння Уладзіміра Мулявіна, прагучаць яны ў іншых аранжыроўках – Аляксандра Крамко, ён жа дырыжор канцэрта. У ХХІ стагоддзі музыка змянілася, і вядомыя творы могуць набываць новыя адценні. Тым больш, што гэтаму так ці інакш паспрыяюць і іншыя выканаўцы. Найперш аркестр імя Жыновіча, але гэта той калектыў, дзе вельмі паважліва і ашчадна ставяцца да літаратурнай спадчыны і яе музычнага ўвасаблення. Бяруць удзел у канцэрце рок-спявак Ян Жанчак (які асабіста адчуў песняроўскія традыцыі ў працы), Вячаслаў Ісачанка, Андрэй Шчыткавец і Сяргей Шкурдзэ (з гурта “Спадчына”), саліст аркестра імя І. Жыновіча Андрэй Коласаў, вакальны гурт “Дыямант”.

Акрамя канцэрта гледачоў чакае прэм’ерны паказ новага дакументальнага фільма “Пясняр. Сэрцам і думамі”, прысвечанага жыццю і творчасці У.Г. Мулявіна. Фільм прадставіць яго стваральнік – вядомы рэжысёр Уладзімір Арлоў. З творчасцю Уладзіміра Мулявіна яго звязвалі папярэднія рэжысёрскія працы, сярод якіх – самы першы музычны фільм “Песняры” (1971 г.) і фільм-канцэрт “А также цирк” (1983 г.). Фільм зняты на замову Міністэрства культуры Рэспублікі Беларусь. Прадзюсер – Уладзімір Бокун.

Аўтар публікацыі: Ларыса Цімошык.

Крыніца: Звязда

Навіны

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір”, “Ракета” і “Цэнтральны” 6, 8 і 9 мая.

Навіны бібліятэк

“Помнім боль і страты твае, Беларусь…” – экскурсія да Дня Перамогі

5 Май 2021

4 мая, напярэдадні Дня Перамогі, экскурсію з цыкла “Славутыя імёны Бацькаўшчыны”, прысвечаную творчасці перыяду Вялікай Айчыннай вайны А. Куляшова, М. Танка, П. Панчанкі, наведалі навучэнцы Мінскага дзяржаўнага прафесіянальна-тэхнічнага каледжа дэкаратыўна-прыкладнога мастацтва імя М.А. Кедышкі.

Навіны Нацыянальнай бібліятэкі Беларусі

Жывая памяць аб гераізме народа: літаратурна-асветніцкае мерапрыемства “Радкі памяці”

5 Май 2021

5 мая, напярэдадні знакавага свята – Дня Перамогі, у Нацыянальнай бібліятэцы адбылося літаратурна-асветніцкае мерапрыемства “Радкі памяці”, у рамках якога была ўрачыста адкрыта кніжная выстаўка “Вялікая Айчынная вайна ў творах мастацкай літаратуры”.

Навіны Нацыянальнай бібліятэкі Беларусі

Вельмі кароткая гісторыя бітнікаў

5 Май 2021

60 гадоў таму на паэтычнай вечарыне ў Town Hall Theatre ў Берклі са сцэны быў прачытаны верш, які змяніў амерыканскую літаратуру, а потым і ўвесь свет – “Вой” Алена Гінзберга. Але ці патрэбна прычына, каб напісаць пра гэты вельмі важны перыяд ў літаратуры? Час бітнікаў не толькі зрабіў сучасную паэзію такой, якой мы яе бачым, але паўплываў нават на музыку. Сёння мы паглядзім на гісторыю біт-пакалення – у датах, ліках, асобах і самых важных аспектах. Коратка і па справе.

Аўтарскі погляд

Бібліятэкарам
111