Нацыянальная бібліятэка Беларусі вызначыла пераможцаў конкурсу, прымеркаванага да 85-годдзя з дня нараджэння народнага паэта Беларусі Рыгора Барадуліна.
Больш за 50 школьнікаў узялі ўдзел у арганізаваным бібліятэкай конкурсе. Дзеці чыталі вершы і выбіралі цытаты з творчай спадчыны паэта, стваралі плакаты з улюбёнымі ўрыўкамі і пісалі эсэ з тлумачэннем свайго выбару. Удзельнікамі сталі школьнікі рознага ўзросту з розных куткоў краіны: з Мінска – 15 чалавек, з Брэста – 10, з Магілёва і Рэчыцы – па 5, з Салігорска і Пачапава – па 4, далучыліся і школьнікі з Баранавіч, Вілейкі, Гомеля, Малога Сітна, Новаельні, Пастаў, Пінска, Полацка і Століна.
Нацыянальная бібліятэка ўдзячна ўсім! Кожная работа была пранікнёнай, шчырай і крэатыўнай. Конкурс паказаў, што фантазія і мудрасць дзяцей – бязмежныя.
НАЗЫВАЕМ ПЕРАМОЖЦАЎ КОНКУРСУ:
І месца
Грамакоўская Дар’я (15 гадоў)
сярэдняя школа № 31 г. Брэста, 9 “Б” клас
ІІ месца
Кір’янава Алена і Ціхамірава Марыя (16 гадоў)
сярэдняя школа № 22 г. Брэста, 11 “А” клас
ІІІ месца
Каралёва Марыя (11 гадоў)
сярэдняя школа № 115 г. Мінска, 6 “А” клас
Пераможцы, якія занялі І–ІІІ месцы, будуць адзначаны:
- памятнымі дыпломамі
- бясплатнай экскурсіяй па бібліятэцы з наведваннем музея кнігі, пад’ёмам на аглядную пляцоўку і фотасесіяй (для ўсіх аднакласнікаў або сяброў удзельніка конкурсу)
- публікацыяй конкурснай работы і інфармацыі пра аўтара на партале бібліятэкі і ў навукова-метадычным часопісе “Выхаванне і дадатковая адукацыя”
- кнігамі і падарункавымі пакетамі з прадукцыяй выдавецтва “Адукацыя і выхаванне”
Журы ўхваліла таксама асобныя творчыя работы, сярод якіх эсэ самага малодшага ўдзельніка – Мікалая Пякуцькі (8 гадоў, гімназія № 21 г. Мінска, 3 “Б” клас) і адзіны паэтычны твор – верш Ільі Талстыкі (в. Вялікая Сваротва, Пачапаўская дзіцячы сад – сярэдняя школа Баранавіцкага раёна, 7 клас).
Акрамя лаўрэатаў, аўтары дзесяці лепшых работ будуць адзначаны памятнымі дыпломамі, кнігамі і падарункавымі пакетамі з прадукцыяй выдавецтва “Адукацыя і выхаванне”:
1. Лізавета і Мікіта Сёміны (cярэдняя школа № 26 г. Брэста, 4 і 9 класы)
2. Ксенія Пархоменка (сярэдняя школа № 10 г. Пінска, 9 клас)
3. Анастасія Прышчыц (сярэдняя школа № 4 г. Салігорска, 10 клас)
4. Яліна Рыжкоўская (гімназія № 56 г. Мінска, 6 клас)
5. Тэрэза Баранава (Пачапаўская дзіцячы сад – сярэдняя школа Баранавіцкага раёна, 9 клас)
6. Вікторыя Зелянкевіч (сярэдняя школа № 1 г. Паставы)
7. Віялета Собаль (сярэдняя школа № 4 г. Салігорска, 8 клас)
8. Леанід Курапатаў (гімназія № 10 г. Мінска, 7 клас)
9. Ленкавец Арына (сярэдняя школа № 172 г. Мінска, 7 клас)
10. Вера Скарабагатая (гімназія № 9 г. Мінска, 10 клас)
Аўтары ўсіх творчых работ будуць узнагароджаны дыпломамі.
З эсэ і плакатамі ўсіх удзельнікаў конкурсу можна азнаёміцца на партале бібліятэкі ў падборках:
- Радзіма і яе лёс: асэнсаванне творчасці Рыгора Барадуліна
- “Трэба дома бываць часцей”: асэнсаванне творчасці Рыгора Барадуліна
- “Быць чалавекам на зямлі”: асэнсаванне творчасці Рыгора Барадуліна
Матэрыял пададзены навукова-даследчым аддзелам кнігазнаўства ў межах праектаў “У госці да кніг” і “Стварай культуру: бібліятэчныя інавацыйныя паслугі”.