ГалоўнаяМерапрыемствыКонкурс да 85-годдзя Рыгора Барадуліна
Праблемы наркаманіі скрозь прызму права
Гарады Беларусі: мінулае, сучаснасць, будучыня

Конкурс да 85-годдзя Рыгора Барадуліна

Конкурс да 85-годдзя Рыгора Барадуліна
Іншыя мерапрыемствы
5 мая – 31 ліпеня
Дата правядзення

Нацыянальная бібліятэка Беларусі падрыхтавала конкурс да 85-годдзя з дня нараджэння народнага паэта Беларусі Рыгора Барадуліна і запрашае юных чытачоў да ўдзелу.

Арганізатар: Нацыянальная бібліятэка Беларусі

Інфармацыйны партнёр: навукова-метадычны часопіс “Выхаванне і дадатковая адукацыя”

Удзельнікі конкурсу: школьнікі 4–11 класаў

Мэты конкурсу:

  • павышэнне цікавасці навучэнцаў да беларускай мовы і літаратуры
  • прыцягненне ўвагі грамадскасці да важнасці чытання
  • выхаванне падрастаючага пакалення на лепшых узорах нацыянальнай літаратуры
  • садзейнічанне ўкараненню дадатковых форм навучання
  • пашырэнне магчымасцей для самарэалізацыі і развіццё творчага патэнцыялу асобы

Конкурсныя работы: плакаты з цытатамі Рыгора Барадуліна і эсэ.

Умовы конкурсу:

1. Удзельнік чытае творы Рыгора Барадуліна і выбірае любую цытату з творчай спадчыны пісьменніка, якая спадабалася.

2. Удзельнік афармляе плакат у адпаведнасці з варыянтамі на выбар:

  • скачвае файл з прапанаваным дызайнерскім рашэннем плаката на партале www.nlb.by, раздрукоўвае і каліграфічна афармляе цытату;
  • стварае сваё мастацкае рашэнне плаката і каліграфічна афармляе цытату.

3. Удзельнік піша невялікае эсэ (да 1000 знакаў без прабелаў) з тлумачэннем выбару цытаты.

4. Удзельнік скануе творчую работу і дасылае разам з эсэ на электронную пошту konkurs.baradulin85@gmail.com і (альбо) выкладвае ў сацыяльнай сетцы Facebook з хэштэгамі #konkurs_baradulin85 #cytata_baradulin

У электронным лісце просім паведаміць імя, прозвішча, узрост, горад пражывання, школу і клас, кантактны нумар тэлефона.

5. Удзельнік дазваляе выкарыстоўваць сваю конкурсную работу на партале бібліятэкі, у сацыяльных сетках і для публікацыі ў часопісе “Выхаванне і дадатковая адукацыя” з абавязковым пазначэннем аўтара работы.

Узнагароды пераможцам конкурсу

Тры пераможцы, якія зоймуць І–ІІІ месцы, будуць адзначаны:

  • памятнымі дыпломамі
  • бясплатнай экскурсіяй па бібліятэцы (з наведваннем музея кнігі і пад’ёмам на аглядную пляцоўку) для ўсяго класа альбо сяброў удзельніка конкурсу
  • фотасесіяй падчас экскурсіі
  • размяшчэннем конкурснай работы і інфармацыі пра аўтара на партале бібліятэкі і ў навукова-метадычным часопісе “Выхаванне і дадатковая адукацыя”
  • кнігамі
  • падарункавымі пакетамі з прадукцыяй выдавецтва “Адукацыя і выхаванне”

Акрамя галоўных пераможцаў, дзесяць лепшых работ будуць адзначаны:

  • памятнымі дыпломамі
  • размяшчэннем інфармацыі пра аўтараў на партале бібліятэкі і ў навукова-метадычным часопісе “Выхаванне і дадатковая адукацыя”
  • кнігамі
  • падарункавымі пакетамі з прадукцыяй выдавецтва “Адукацыя і выхаванне”

Тэрміны конкурсу

Конкурсныя работы прымаюцца да 31 ліпеня.

Вынікі конкурсу будуць абвешчаны да 28 жніўня на партале www.nlb.by, а таксама ў жнівеньскім нумары часопіса “Выхаванне і дадатковая адукацыя”. У гэтым жа нумары на каляровай укладцы будуць размешчаны лепшыя конкурсныя работы.

1 верасня пра перамогу ўдзельніка будзе ведаць уся школа!

Матэрыял падрыхтаваны навукова-даследчым аддзелам кнігазнаўства ў межах праектаў “У госці да кніг” і “Стварай культуру: бібліятэчныя інавацыйныя паслугі”.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Сугучча

22.10.2020

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

Рэстаўрацыйная майстэрня

27.10.2020

28 кастрычніка ў бібліятэцы адбудуцца заняткі для дзетак “Рэстаўрацыйная майстэрня” ў рамках “Клуба кніжных прафесараў”.

Бібліятэка – дом, дзе жывуць кнігі

23.10.2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.



111