ГалоўнаяМерапрыемствыГарады Беларусі: мінулае, сучаснасць, будучыня
Конкурс да 85-годдзя Рыгора Барадуліна
Напісанае застаецца

Гарады Беларусі: мінулае, сучаснасць, будучыня

Гарады Беларусі: мінулае, сучаснасць, будучыня
Іншыя мерапрыемствы
4 мая – 30 чэрвеня
Дата правядзення
10.00–21.00
Час правядзення
пам. 106
Месца правядзення

З 4 мая па 30 чэрвеня ў зале перыядычных выданняў (пам. 106) праходзіць тэматычная выстава “Гарады Беларусі: мінулае, сучаснасць, будучыня”.

Горад, яго гісторыя, культурная спадчына, сучаснасць... Кожны куток Беларусі цікавы па-свойму. Славутасцям вялікіх і малых гарадоў нашай краіны прысвечана дадзеная выстава.

У Рэспубліцы Беларусь нямала гарадоў, чый узрост дасягае больш за 500 гадоў. Цікавасць да экспазіцыі выклічуць пазнавальныя, заснаваныя на гістарычных фактах і архіўных дакументах артыкулы пра Брэст, Мінск, Віцебск, Тураў, Гродна, Пінск, Жлобін, Заслаўе, Ваўкавыск, апублікаваныя ў перыядычных выданнях “Беларуская думка”, “Архівы і справаводства”, “Геаграфія”, “Беларускі гістарычны часопіс”, “Гродзенская праўда”, “Краязнаўчая газета”, “Беларусі час”.

Ёсць гарады, якія можна з поўным правам назваць маладымі, але яны ўжо моцна “стаяць на нагах”. Сучаснаму жыццю Наваполацка, Салігорска, Жодзіна прысвечаны матэрыялы газеты “Мінская праўда”, часопісаў “Беларусь”, “Бібліятэчны свет”, “Бібліятэка прапануе”. Газета “Рэспубліка” на сваіх старонках распавяла пра сучаснасць і будучыню Нароўлі і Хойнікаў, найбольш пацярпелых ад аварыі на Чарнобыльскай АЭС.

Калі мы гаворым пра вобраз Беларусі, абавязкова ўспамінаем пра нашы малыя гарады. Пра значныя гістарычныя падзеі і славутасці Мазыра, Рагачова, Слуцка, Быхава, Бярозы, Шчучына можна прачытаць у нумарах газеты “СБ. Беларусь сегодня”.

Усяго на выставе прадстаўлена больш за 40 перыядычных выданняў.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 25 87.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Конкурс да 85-годдзя Рыгора Барадуліна

05.05.2020

Нацыянальная бібліятэка Беларусі падрыхтавала конкурс да 85-годдзя з дня нараджэння народнага паэта Беларусі Рыгора Барадуліна і запрашае юных чытачоў да ўдзелу.

Напісанае застаецца

04.05.2020

З 4 мая па 1 чэрвеня  ў зале беларускай літаратуры (пам. 205) праходзіць кніжная выстаўка “Напісанае застаецца”, прысвечаная 90-годдзю з дня нараджэння беларускага пісьменніка, драматурга, публіцыста Алеся Петрашкевіча (1930–2012).

ЭкаChallenge

29.04.2020

Сёлета сусветная супольнасць адзначае 50-годдзе міжнароднай акцыі “Дзень Зямлі” – найбуйнейшай грамадзянскай падзеі ў свеце, з якой звязана зараджэнне сучаснага экалагічнага руху. Да гэтага дня прымеркаваны выставачны праект “ЭкаChallenge”, на якім прадстаўлены плакаты і кнігі на экалагічную тэматыку з фондаў Нацыянальнай бібліятэкі Беларусі.

Вялікай Перамозе прысвячаецца!

15.04.2020

Да 75-годдзя Перамогі ў Вялікай Айчыннай вайне 1941–1945 гадоў 15 красавіка Нацыянальная бібліятэка Беларусі падрыхтавала маштабны выставачны праект “Вялікая Перамога”.

З глыбінь перажытага

07.04.2020

З 7 красавіка па 30 мая ў зале беларускай літаратуры (пам. 205) праходзіць выстаўка “З глыбінь перажытага”, прымеркаваная да 100-годдзя з дня нараджэння беларускага пісьменніка Аляксея Нічыпаравіча Карпюка (1920–1992).

Здароўе нацыі – аснова росквіту дзяржавы

03.04.2020

З 3 красавіка па 12 мая ў аддзеле абслугоўвання афіцыйнымі дакументамі (пам. 207) адкрыта тэматычная выстава “Здароўе нацыі – аснова росквіту дзяржавы”, прысвечаная Сусветнаму дню здароўя.



111