Юныя чытачы актыўна прынялі ўдзел у конкурсе да 85-годдзя з дня нараджэння народнага паэта Беларусі Рыгора Барадуліна, які арганізавала Нацыянальная бібліятэка Беларусі. Прадстаўляем частку творчых работ канкурсантаў, прысвечаных тэме асобы, яе ўнутранага свету і чалавечнасці.
Барадулінская паэзія паглыбляе разуменне духоўных каштоўнасцей. Паэта цікавіць духоўны патэнцыял чалавека, права на індывідуальнасць, самастойнасць выбару і рашэнняў.
Канкурсантаў натхнілі цытаты з твораў Рыгора Барадуліна: “Быць чалавекам на зямлі зямля бацькоў дала мне права”, “З нас многія прагнуць разумнага, сапраўднага і чалавечнага”, “Перш чым вочы заслоняць векам, чалавек хоча стаць чалавекам”, “Каханне і веру не трэба ўсім выстаўляць напаказ: душа толькі чуе і неба”, “Хай беларус беларуса будзе любіць як брата”.
Паэтычнае майстэрства Рыгора Барадуліна надзвычай высокае: багацце мовы, псіхалагізм, разнастайнасць вобразна-стылёвых сродкаў дапамагаюць дакладнаму і паўнакроўнаму выражэнню аўтарскай думкі. Яго творчасць – гімн чалавечнасці. Паэт пераканаўча даказвае, што любоў дапамагае глыбей і паўней адчуваць свет і яго прыгажосць, праяўляць багацце пачуццяў і індывідуальнасці.
Прадстаўляем творчыя работы ўдзельнікаў конкурсу, якім тэмы асобы, чалавечнасці, любові і кахання адгукнуліся найбольш.
Матэрыял пададзены навукова-даследчым аддзелам кнігазнаўства.
Чытайце таксама:
