ГалоўнаяМерапрыемствыШлях мужнасці і славы
Круглы стол “Адысея Язэпа Пушчы”: да 120-годдзя з дня нараджэння
Мая любімая дача

Шлях мужнасці і славы

Шлях мужнасці і славы
Іншыя мерапрыемствы
6 мая – 26 чэрвеня
Дата правядзення
10.00–21.00
Час правядзення
кальцавы калідор (2-гі паверх)
Месца правядзення

У бібліятэцы арганізавана кніжна-дакументальная выстава “Шлях мужнасці і славы”, прымеркаваная да Дня Перамогі, які наша краіна адзначае 9 мая. Асаблівую значнасць гэтая падзея набывае ў Год гістарычнай памяці і ў сувязі са святкаваннем 100-годдзя Нацыянальнай бібліятэкі Беларусі.

Вялікая Айчынная вайна закранула ўсе сферы жыцця грамадства. Унесла яна карэктывы і ў дзейнасць бібліятэк. Людзі мірнай прафесіі бібліятэкара годна прайшлі свой шлях праз гады ліхалецця. Многія служылі ў радах Чырвонай арміі, добраахвотна ўступалі ў народнае апалчэнне, працавалі ў санітарных установах і  на прадпрыемствах у тыле, удзельнічалі ў абаронных мерапрыемствах.  І нават на вайне бібліятэкары працягвалі выконваць сваю місію – захоўваць кніжную спадчыну, займацца асветніцкай дзейнасцю і падтрымліваць баявы дух.

Баявы шлях  супрацоўнікаў Дзяржаўнай бібліятэкі БССР – удзельнікаў Вялікай Айчыннай вайны адлюстраваны ў экспазіцыі праз архіўныя дакументы, узнагароды  і асабістыя фотаздымкі. Сярод іх – медалі і ўзнагародныя дакументы А. Сакольчыка, А. Дукора, Я. Свежанцавай, Н. Ватацы. Каштоўнасць уяўляюць і кнігі-альбомы баявой і працоўнай славы, якія распавядаюць жыццёвыя гісторыі бібліятэчных супрацоўнікаў.

На момант пачатку вайны бібліятэка стала галоўнай бібліяграфічнай установай  і метадычным цэнтрам краіны ў галіне бібліятэчнай справы, захавальніцай ведаў і нацыянальнай культуры.  Падчас вайны  захопнікі разрабавалі яе, як і шматлікія іншыя ўстановы культуры. Але ўжо ў  1942 г. пачалося аднаўленне кніжнай скарбніцы. Працоўны подзвіг здзейсніў калектыў супрацоўнікаў за кароткі пасляваенны час. Самаадданую працу па камплектаванні фонду, пошуку вывезеных асобнікаў, аднаўленні абслугоўвання чытачоў адлюстроўваюць пастановы,  архіўныя дакументы, справаздачы, пасляваенныя выданні бібліятэкі, а таксама артыкулы ў перыядычным друку і ўспаміны супрацоўнікаў.

Асаблівую цікавасць уяўляюць даваенныя выданні майстроў беларускага мастацкага слова Янкі Маўра, Міхася Лынькова, Андрэя Александровіча, пазначаныя ворагам і вернутыя ў фонды. Каштоўны асобнік твораў Паўлюка Труса з надпісам, які сведчыць аб тым, што кніга была знойдзена ў Берліне ў 1945 г. Прадстаўлены і асобнікі з калекцыі кніг па батаніцы і геаграфіі, вернутыя на радзіму ў 2010 г.

Дакументальныя помнікі з’яўляюцца каштоўнымі сведкамі ваенных падзей і яскравым напамінам аб неабходнасці захавання памяці пра мужных і бескарыслівых людзей, якія зрабілі магчымым наша мірнае існаванне. Дзякуючы іх намаганням Дзяржаўная бібліятэка БССР ператварылася ў Нацыянальную бібліятэку Беларусі – найбуйнейшы інфармацыйны і сацыякультурны цэнтр краіны.

Кніжная выстава “Шлях мужнасці і славы” працуе з 6 мая па 26 чэрвеня 2022 года ў кальцавой галерэі 2-га паверха.
Дата яе заканчэння можа быць зменена.


Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 29 80.

Матэрыял пададзены аддзелам галерэйна-выставачнай дзейнасці.

Мерапрыемствы

Вольны птах беларускіх нябёсаў

19.05.2022

З 19 мая па 29 чэрвеня ў зале беларускай літаратуры (пам. 205) праходзіць выстаўка “Вольны птах беларускіх нябёсаў”, прысвечаная 120-годдзю з дня нараджэння беларускага паэта, крытыка і перакладчыка Язэпа Пушчы (1902–1964).

Майстру кніжнай графікі прысвячаецца

16.05.2022

З 16 мая ў бібліятэцы працуе выстава, прысвечаная 125-годдзю з дня нараджэння беларускага мастака, патрыярха беларускай каляровай лінагравюры, аднаго з заснавальнікаў нацыянальнай кніжнай графікі, вядомага майстра экслібрыса Анатоля Мікалаевіча Тычыны (1897–1986).

Дыялог культур у шматпалярным свеце

18.05.2022

З 18 мая па 29 чэрвеня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Дыялог культур у шматпалярным свеце”, прысвечаная Сусветнаму дню культурнай разнастайнасці ў імя дыялогу і развіцця.

Запрашаем на заняткі “Цікава пачытаць” па кнізе “Эвристические сказки”

18.05.2022

21 мая дзіцячы пакой запрашае дзяцей 6–10 гадоў на заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Хатні абярэг сваімі рукамі

18.05.2022

Нацыянальная бібліятэка Беларусі працягвае цыкл майстар-класаў з вядомымі майстрамі Беларусі ў межах выставачнага праекта “Жывыя крыніцы”, прымеркаванага да Года гістарычнай памяці.

Лорд англійскага мастацтва

14.05.2022

З 14 мая па 12 чэрвеня ў зале дакументаў па мастацтве (пам. 306) праходзіць кніжна-ілюстрацыйная выстава “Лорд англійскага мастацтва”, прысвечаная 295-годдзю з дня нараджэння Томаса Гейнсбара (1727–1788).



Бібліятэкарам