ГалоўнаяМерапрыемствыМалады беларускі экслібрыс
Новы праект бібліятэкі “Па-за вернісажам”
Запрашаем на выстаўкі Нацыянальнай бібліятэкі Беларусі

Малады беларускі экслібрыс

Малады беларускі экслібрыс
Іншыя мерапрыемствы
1 – 30 чэрвеня
Дата правядзення
10:00 – 18:00
Час правядзення
пам. 347
Месца правядзення

Падчас святкавання Міжнароднага дня абароны дзяцей у музеі кнігі адкрылася выстава “Малады беларускі экслібрыс”, дзе прадстаўлены працы ўдзельнікаў конкурсу экслібрысаў.

Конкурс быў прымеркаваны да 100-годдзя Нацыянальнай бібліятэкі Беларусі і 15-годдзя музея кнігі.

Стварыць кніжны знак – няпростая задача, але юныя мастакі і кнігазнаўцы выдатна справіліся. У творчым праекце прынялі ўдзел дзеці ад 6 да 16 гадоў з усіх куточкаў Беларусі. На выставе прадстаўлены больш за 170 экслібрысаў, створаных юнымі талентамі!

Экслібрыс з’яўляецца адначасова кнігаўладальніцкім знакам і творам мастацтва. Юныя мастакі прадумвалі сюжэты, ідэі і малявалі кніжныя знакі, перадаючы конкурсную тэму лаканічнымі сродкамі ў малым фармаце. Работы атрымаліся розныя: сур’ёзныя і вясёлыя, чорна-белыя і маляўнічыя. Але ўсе яны неардынарныя і індывідуальныя.

Аўтарытэтнае журы абрала пераможцаў. Іх творы вылучаны ў экспазіцыі ў асобны тэматычны блок.

Партнёрам праекта выступіла кампанія OZ.

Экспазіцыя будзе працаваць у музеі кнігі (пам. 347) да 30 чэрвеня 2021 г.
Дата яе завяршэння можа быць зменена.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 25 85.

Матэрыял пададзены навукова-даследчым аддзелам кнігазнаўства.



Мерапрыемствы

Асветніца з роду Усяслава

16.07.2021

З 16 ліпеня па 31 жніўня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.



Бібліятэкарам