Запрашаем дзяцей на заняткі “Цікава пачытаць”

5 чэрвеня дзіцячы пакой запрашае дзяцей 6–10 гадоў на заняткі “Цікава пачытаць” па кнізе Крысціны Качэні “Пчолка”.

З пазнавальных казак дзеці даведаюцца, як дзякуючы руплівай працы і дружбе рыбка па імені Ромбік пабудавала свой новы домік, як пчолка з гультайкі ператварылася ў працаўніцу, а жучок Боня стаў вядомым мастаком.

У гульні “Вулей” юныя ўдзельнікі паспаборнічаюць у зборы мёду, а ў гульні “Вясёлыя ноткі” прадэманструюць уменне іграць на розных музычных інструментах.

Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.