ГалоўнаяМерапрыемствыЗа архіўным парогам
Выпрабаванне вернасцю
Вада – аснова жыцця

За архіўным парогам

За архіўным парогам
Іншыя мерапрыемствы
19 сакавіка – 28 красавіка
Дата правядзення
10.00–21.00
Час правядзення
пам. 205
Месца правядзення

З 19 сакавіка па 28 красавіка ў зале беларускай літаратуры (пам. 205) праходзіць выстаўка “За архіўным парогам”, прысвечаная 90-годдзю з дня нараджэння Генадзя Васілевіча Кісялёва (1931–2008), беларускага гісторыка, пісьменніка, літаратузнаўца і археолага.

Генадзь Васілевіч нарадзіўся 19 сакавіка 1931 года ў г. Каломна Маскоўскай вобласці. Пасля заканчэння ў 1953 годзе Маскоўскага гістарыка-архіўнага інстытута быў накіраваны на работу ў архіўныя ўстановы Літвы. З 1960 па 1971 год працаваў старшым навуковым супрацоўнікам у Цэнтральным дзяржаўным гістарычным архіве Літоўскай ССР, а з 1971 года – старшым навуковым супрацоўнікам Інстытута літаратуры імя Я. Купалы АН Беларусі. Друкавацца пачаў яшчэ ў 1958 годзе.

Выданні, прадстаўленыя ў раздзелах “Вачамі і сэрцам – да факта” і “Я жыў з імі, я рос сярод іх”, максімальна поўна раскрываюць жыццёвы і творчы шлях Г. Кісялёва. Асноўныя тэмы навуковага даследвання гісторыка – паўстанне 1863 г. пад кіраўніцтвам К. Каліноўскага, творчасць В. Дуніна-Марцінкевіча, Я. Чачота, Ф. Багушэвіча, А.І. Вярыгі-Дарэўскага і інш. На выстаўцы прадстаўлены кнігі Г. Кісялёва “Сейбіты вечнага”, “З думай пра Беларусь”, “Героі і музы”, “Ад Чачота да Багушэвіча”, “Смак Беларушчыны” і шмат інш. Зацікавяць наведвальнікаў і першадрукі даследчыка ў зборніках “Славянский архив”.

Галоўным напрамкам дзейнасці Генадзя Васілевіча быў пошук сапраўднага аўтара ананімных паэм “Тарас на Парнасе” і “Энеіда навыварат”, вынікам якога сталі кнігі “Загадка беларускай «Энеіды»”, “Разыскивается классик…”, “Пошукі імя”, “Жылі-былі класікі: хто напісаў паэмы «Энеіда навыварат» і «Тарас на Парнасе»”. Менавіта яны раскрываюць усю навуковую і творчую лабараторыю даследчыка з усімі падрабязнасцямі працы над гэтай тэмай. Дзякуючы Генадзю Васілевічу свет даведаўся пра Канстанціна Вераніцына, які і лічыцца аўтарам названых твораў.

На ўшанаванне памяці Генадзя Васілевіча Кісялёва ў 2009 годзе выдавецтвам “Лімарыус” была выдадзена кніга ўспамінаў пра даследчыка “…Пачуць, як лёсу валяцца муры”.

Экспазіцыя налічвае каля 100 дакументаў.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Мерапрыемствы

Зачараванне бляскам: другі майстар-клас па вырабу і дэкарыраванню аксесуараў

18.06.2021

24 чэрвеня ў рамках унікальнай выставы “Бляск убораў і таямніцы флірту” пройдзе майстар-клас Наталлі Керус па вырабе і дэкарыраванні брошак і завушніц. Працягваючы цыкл публікацый аб экспазіцыі, расказваем пра яшчэ адзін цікавы экспанат.

Запрашаем на канцэрт!

10.06.2021

Нацыянальная бібліятэка сумесна з арт-прасторай “Свет класічнай музыкі” запрашае на вечар музыкі ад супольнасці музыкаў-аматараў.

Малады беларускі экслібрыс

01.06.2021

Падчас святкавання Міжнароднага дня абароны дзяцей у музеі кнігі адкрылася выстава “Малады беларускі экслібрыс”, дзе прадстаўлены  працы ўдзельнікаў конкурсу экслібрысаў.

Чамаданны настрой

07.06.2021

З 7 чэрвеня па 27 жніўня запрашаем на выставу “Чамаданны настрой” у чытальнай зале аддзела міжбібліятэчнага абанемента і дастаўкі дакументаў (пам. 164).

Гісторыі пішуць экслібрысы

18.05.2021

Да Міжнароднага дня музеяў у бібліятэцы адкрылася выстава “Гісторыі пішуць экслібрысы”, якая з’яўляецца вынікам творчага эксперыменту, падчас якога юныя мастакі атрымалі магчымасць стаць сапраўднымі музейнымі куратарамі і дызайнерамі.



Бібліятэкарам
111