ГалоўнаяНавіныНавіны бібліятэк
24 сакавіка 1945 года. 46 дзён да Перамогі
23 сакавіка 1945 года. 47 дзён да Перамогі

Новы альбом выдавецтва «Беларуская Энцыклапедыя» паказвае Беларусь вачамі мастакоў

Новы альбом выдавецтва «Беларуская Энцыклапедыя» паказвае Беларусь вачамі мастакоў
Іншыя навіны

У выдавецтве «Беларуская Энцыклапедыя імя Петруся Броўкі» выйшаў альбом «І рай і боль на Песеннай Зямлі… Беларусь вачыма мастакоў 1920–1930-х гадоў» на дзвюх мовах: рускай і беларускай.

BelEN_mastaki_1.jpg

У альбоме прадстаўлены графічныя работы з калекцыі Нацыянальнага гістарычнага музея Рэспублікі Беларусь, аб’яднаныя адной тэмай – этнаграфія Беларусі: этнічныя тыпы жыхароў беларускай зямлі, вясковыя і гарадскія краявіды, помнікі дойлідства, традыцыйнага народнага мастацтва, рамёстваў. Створаныя мастакамі ў перыяд 1920−1930-х гадоў, яны маюць вялікую каштоўнасць: адначасова з’яўляюцца творамі мастацтва і навуковымі матэрыяламі, бо большасць мастакоў Беларусі таго часу былі ўдзельнікамі краязнаўчага руху. Яны прымалі актыўны ўдзел у шматлікіх экспедыцыях: этнаграфічных, фальклорных, археалагічных, падчас якіх рабілі зарысоўкі.

BelEN_mastaki_2.jpg

Поруч з мастацтвам Савецкай Беларусі, творамі прызнаных майстроў А. Астаповіча, А. Тычыны, М. Дучыца, М. Аксельрода, А. Марыкса, М. Горшмана ў альбоме прадстаўлены творы мастакоў Заходняй Беларусі – П. Сергіевіча, Н. Сасноўскай, Л. Родзевіча.

BelEN_mastaki_3.jpg

Этнаграфія Беларусі – вядучая тэма мастацкай спадчыны Я. Драздовіча. У выданні прадстаўлены творы з яго альбомаў «Палессе. Піншчына» і «Глыбокае».

Завітайце таксама на старонку віртуальнага праекта Нацыянальнай бібліятэкі Беларусі «Дзівосны свет Язэпа Драздовіча: да 130-годдзя з дня нараджэння (1888–1954)»

BelEN_mastaki_4.jpg

Па-майстэрску выкананыя зарысоўкі лялек беларускага народнага тэатра батлейкі пакінуў адзін з найвыдатнейшых кніжных графікаў СССР В. Дваракоўскі. У альбоме прадстаўлены і акварэлі народных строяў тэатральнага мастака А. Марыкса, зробленыя ім падчас паездак па Беларусі ў 1920−1930-я гады.

BelEN_mastaki_5.jpg

Значную частку выдання складаюць творы графікаў Віцебска, − унікальнага па сваіх мастацкіх традыцыях горада. Сярод іх вядомыя майстры і студэнты Беларускага мастацкага тэхнікума: С. Юдовін, М. Эндэ, Л. Зевіна, Р. Семашкевіч, І. Сонкін, С. Андруховіч, Л. Лейтман, Х. Ліўшыц. Упершыню ў поўным аб’ёме публікуецца комплекс твораў Р. Семашкевіча са збору Нацыянальнага гістарычнага музея Рэспублікі Беларусь.

BelEN_mastaki_6.jpg

Прадстаўленыя ў выданні графічныя творы маюць выключную каштоўнасць: яны адначасова з’яўляюцца творамі мастацтва і навуковымі артэфактамі. Мастакі з дакументальнай дакладнасцю перадалі аблічча краіны і нашых суайчыннікаў 1920−1930-х гадоў, помнікі культуры народаў Беларусі, значная частка якіх страчана. У той жа час глыбокі погляд таленавітага чалавека даносіць да нас усе адценні душэўнага стану жыхароў Песеннай Зямлі таго часу, дае ўнікальную магчымасць па-сапраўднаму адчуць эпоху.

BelEN_mastaki_7.jpg

Віртуальны праект «Узоры беларускай душы: арнаменты роднага краю»

Кніга разлічана на шырокае кола чытачоў.

BelEN_mastaki_8.jpg

Крыніца: выдавецтва «Беларуская Энцыклапедыя імя Петруся Броўкі»

Навіны

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Бібліятэкарам
111