Павел Белавус шукае партнёраў і фундатараў для выдання дзіцячай кнігі загадак “Неверагодны свет” аўтарства музыкі Юрыя Несцярэнкі. На старонцы ў facebook Павел распавёў пра кнігу, наклад якой плануецца выдаць да Калядаў.

Сябры, мы тут добрай камандай зрабілі, як мне падаецца, даволі добрую беларускую дзіцячую кнігу, якая складаецца з 200 загадак-рыфмаванак на беларускай мове аўтарства Юрыя Несцярэнкі.

Кніга як год ужо гатовая і, думаю, што прыйшоў час яе выдаць.

Кніга сапраўды ўнікальная: і загадкамі, і чароўнымі ілюстрацыямі. Агулам у ёй 200 загадак пра неверагодны беларускі свет. І пра звяроў, і пра расліны, і пра водных сяброў.

Таму шукаем партнёраў, спонсараў ці фундараў, каб паспець да Калядаў выдаць 1 000-ы наклад гэтай кнігі. Прапановы можна дасылаць наўпрост мне ў фэйсбуку ці на мэйл hodnaby@gmail.com.

Вось некалькі загадак з кнігі:

Ведаюць птушкі, расліны, звяры –
гаспадары ў нашай пушчы...

З голаду завыў і змоўк,
Напалохаў дзетак...

Абараняўся ад небарак –
Накрыўся лісцем барвовы...

Я так доўга чакаць грыбнікоў не прывык!
Забірайце хутчэй! Кажа грыб-...

Поўз і ўпоперак, і ўздоўж
Па траве павольны...

Крыніца: Budzma.by

Чытайце таксама:

Музыка Юры Несцярэнка выдаў кнігу для дзяцей па-беларуску