27 верасня адбылася справаздачна-выбарная канферэнцыя пярвічнай прафсаюзнай арганізацыі Нацыянальнай бібліятэкі Беларусі. На ёй было праведзена галасаванне, па выніках якога абраны новы старшыня пярвічнай прафсаюзнай арганізацыі.
Ім стала вядучы бібліятэкар сектара міжбібліятэчнага абанемента і электроннай дастаўкі дакументаў Ірына Гейдарава.
На мерапрыемстве былі падведзены вынікі работы арганізацыі за апошнія некалькі гадоў. У працы пасяджэння прынялі ўдзел актыў калектыву бібліятэкі, абраны прэзідыум, члены рэвізійнай камісіі, а таксама старшыня Беларускага прафсаюза работнікаў культуры, інфармацыі, спорту і турызму Таццяна Філімонава.
Калектыў Нацыянальнай бібліятэкі Беларусі жадае новаабранаму лідару невычэрпнай энергіі, творчых сіл і натхнення ў далейшай дзейнасці!
Матэрыял пададзены аддзелам сувязей з грамадскасцю.
