14 лістапада ў дзіцячым пакоі адбылася літаратурная гадзіна “Жил да был брадобрей”.
У вясёлай і дружнай кампаніі даведвацца пра існаванне розных прафесій цікава і займальна.
З прэзентацыі твораў рускіх мастакоў дзеці даведаліся, чым займаўся рамізнік і фурман, камінар і вадавоз. А свет сучасных прафесій адкрыўся для малышэй з цэлым шэрагам кніг для дзяцей, прысвечаных розным заняткам.
Пазнаёміцца з разнастайнасцю спраў аказалася яшчэ больш пацешна і цікава ў гульні з мячыкам “Злаві – скажы”, з прадметамі прафесіі “Каму патрэбны гэтыя прадметы”, чытаючы вершы “Дакажы слоўца” і паказваючы з дапамогай мімікі і пластыкі пазнавальныя дзеянні вядомых прафесій.
Юныя ўдзельнікі мерапрыемства атрымалі зарад добрага настрою і размалёўкі ў падарунак.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял прадастаўлены аддзелам запісу і інфармавання карыстальнікаў.
