5 чэрвеня а 16-й гадзіне ў галерэі “Ракурс” адбудзецца ўрачыстае адкрыццё выстаўкі графікі Наталлі Слушко.
Наталля нарадзілася ў 1973 годзе. Вучылася ў мастацкім ліцэі, пасля – у мастацкім вучылішчы. Скончыла Беларускую дзяржаўную акадэмію мастацтваў па спецыяльнасці “дызайнер інтэр’ераў”. Пасля 25 гадоў у дзяўчыны выявілі цяжкае генетычнае захворванне, 9 лютага 2011 года яе не стала.
Усё сваё жыццё Наталля малявала, як бы ні складваліся абставіны, у якіх бы ўмовах яна ні знаходзілася. Яе малюнкі – гэта своеасаблівы свет, свет дабрыні, святла, дзіцячай непасрэднасці і самых цёплых і добрых пачуццяў. У іх столькі яркіх фарбаў, аптымізму, фантазіі, што яе работы не пакідаюць раўнадушным ні аднаго гледача.
Выстаўка будзе доўжыцца да 17 чэрвеня 2012 г.
Кантактны тэлефон: (+375-17) 293-28-33.
E-mail: pr@nlb.by
 |
 |
 |
 |
