30 мая ў Нацыянальнай бібліятэцы Беларусі адбыўся семінар-трэнінг “Еўразійская патэнтная інфармацыйная сістэма (ЕАПАТІС) – інструмент пошуку патэнтнай інфармацыі”.
Мерапрыемства было арганізавана Нацыянальнай бібліятэкай Беларусі, Еўразійскім патэнтным ведамствам Еўразійскай патэнтнай арганізацыі і Нацыянальным цэнтрам інтэлектуальнай уласнасці.
З уступным словам да ўдзельнікаў звярнуліся намеснік дырэктара Нацыянальнай бібліятэкі Беларусі па інфармацыйных рэсурсах Кузьмініч Таццяна Васільеўна і намеснік генеральнага дырэктара, начальнік цэнтра экспертызы прамысловай уласнасці Нацыянальнага цэнтра інтэлектуальнай уласнасці Фёдараў Яўгеній Віктаравіч. З дакладам і прэзентацыяй выступіў начальнік упраўлення патэнтнай інфармацыі Еўразійскага патэнтнага ведамства Сірацюк Уладзімір Алегавіч.
Пад час семінара-трэнінгу спецыялісты Еўразійскага патэнтнага ведамства расказалі пра асаблівасці і магчымасці выкарыстання інфармацыйнай сістэмы “ЕАПАТІС”, правялі навучальны трэнінг па ажыццяўленні патэнтнага пошуку для карыстальнікаў дадзенага рэсурсу.
У мерапрыемстве ўзялі ўдзел звыш 60 чалавек: спецыялісты бібліятэк Беларусі, навуковыя работнікі і выкладчыкі.