17 верасня ў галоўнай кніжнай скарбніцы краіны і музеі кнігі прайшла творчая сустрэча для юных сяброў кнігі, прысвечаная 100-гадоваму юбілею Нацыянальнай бібліятэкі Беларусі.
Госці здзейснілі вандроўку па самых цікавых і прыгожых куточках бібліятэкі, пазнаёміліся з агульнай чытальнай залай і залай рукапісаў, рэдкіх кніг і старадрукаў, а таксама з юбілейным выставачным праектам “БібліяКОМПАС. Навігатар па падарунках бібліятэцы”.
У музеі кнігі дзеці пазнаёміліся з матэрыяламі і формамі кніг і ўбачылі факсімільнае перавыданне ўсіх кніг беларускага першадрукара Францыска Скарыны, у тым ліку выданні-юбіляры 2022 года “Псалтыр” (1517) і “Малая падарожная кніжка” (каля 1522).
Напрыканцы сустрэчы дзеці атрымалі творчае заданне, падчас якога яны пазнаёміліся з тэхналогіяй стварэння “кнігі для перагортванняў” (фліпбук).
Запрашаем далучыцца да мерапрыемстваў у музеі кнігі Нацыянальнай бібліятэкі Беларусі! Сачыце за анонсамі!
Папярэдні запіс па тэлефонах: (8 017) 293 27 82, (8 029) 18 18 451.
Электронная пошта: tatsianazablotskaya@gmail.com.
Кантактная асоба: Заблоцкая Таццяна.
Матэрыял пададзены навукова-даследчым аддзелам кнігазнаўства.
