ГалоўнаяМерапрыемствыПадарожжа з “БібліяКОМПАСам”
Запрашаем на творчыя заняткі “З юбілеем, Бібліятэка!”
Бліскучае сонца Прынёмання

Падарожжа з “БібліяКОМПАСам”

Падарожжа з “БібліяКОМПАСам”
Іншыя мерапрыемствы
8 верасня – 30 лістапада
Дата правядзення
10.00–21.00
Час правядзення
пам. 104
Месца правядзення

8 верасня ў выставачным комплексе (пам. 104) адбылося адкрыццё выставачнага праекта “БібліяКОМПАС. Навігатар па падарунках бібліятэцы”.

На працягу свайго 100-гадовага існавання Нацыянальная бібліятэка Беларусі з’яўляецца не толькі месцам захавання папяровых кніг, але і цэнтрам доступу да інфармацыі са шматлікіх крыніц і носьбітаў. Яна – месца яднання дзяржаў, месца абмену культурным вопытам. Штогод на яе пляцоўках адкрываюцца выстаўкі (кніжныя, мастацкія, мультыпраекты), праводзяцца прэзентацыі кніжных і альбомных выданняў, цырымоніі дарэння кніжных помнікаў розных краін, адзначаюцца юбілейныя даты з дня нараджэння культурных дзеячаў (пісьменнікаў, музыкаў, мастакоў), дзяржаўныя святы. Па выніках культурных і адукацыйных акцый фонды бібліятэкі папаўняюцца нацыянальнымі сувенірамі розных краін.

Да 100-гадовага юбілею падрыхтаваны своеасаблівы мультыкультурны праект, дзе візуальны прадметны і дакументальны шэраг аб’яднаны вобразам Нацыянальнай бібліятэкі. Увазе наведвальнікаў будуць прадстаўлены шматлікія падарункі партнёраў, гасцей, сяброў і чытачоў бібліятэкі: жывапісныя палотны, калажныя работы, акварэльныя замалёўкі і фотапластыка; цікавыя нацыянальныя сувеніры і прадметы адзення; кнігі з аўтографамі пісьменнікаў, даследчыкаў, вучоных і мастакоў, факсіміле кніжных помнікаў, альбомныя выданні ад прыватных асоб і замежных дэлегацый з краін Еўропы, Азіі і Афрыкі.

Асобнае месца ў экспазіцыі займаюць узнагароды, атрыманыя бібліятэкай за паспяховую працу ў ажыццяўленні выдавецкіх праектаў па захаванні і папулярызацыі кніжнай спадчыны, за актыўную дзейнасць у сферы міжнароднага гуманітарнага супрацоўніцтва.

Многія экспанаты будуць дэманстравацца ўпершыню.


Выставачны праект будзе працаваць да 30 лістапада 2022 года.
Дата яго заканчэння можа быць зменена.

Час работы выстаўкі адпавядае рэжыму работы бібліятэкі.
На мерапрыемства ўваход вольны. У астатні час – па чытацкім білеце або білеце сацыякультурнага цэнтра.

Тэлефон (для СМІ): (8 017) 368 37 37.

Матэрыял пададзены аддзелам сувязей з грамадскасцю.

Мерапрыемствы

“Іскрыся іскрамі, палай!”

23.11.2022

Часопіс “Полымя” святкуе сёлета стогадовы юбілей. Ля вытокаў найстарэйшага літаратурна-мастацкага і грамадска-палітычнага выдання Беларусі стаялі такія знакавыя фігуры нацыянальнай гісторыі, як Янка Купала, Якуб Колас, Змітрок Бядуля, Цішка Гартны, Міхась Зарэцкі і інш.

Кампазітар-гуманіст

23.11.2022

З 23 лістапада па 27 снежня ў зале нотных і аўдыявізуальных дакументаў (пам. 305) праходзіць выстава “Кампазітар-гуманіст”, прысвечаная 200-годдзю з дня нараджэння французскага кампазітара і піяніста Сезара Франка (1822–1890).

Не маўчаць! Жанчыны і насілле

23.11.2022

З 23 лістапада па 9 студзеня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Не маўчаць! Жанчыны і насілле”, прысвечаная Міжнароднаму дню барацьбы за ліквідацыю насілля адносна жанчын.

Роўныя магчымасці для ўсіх

18.11.2022

З 18 лістапада па 13 снежня ў зале дакументаў міжнародных арганізацый (пам. 207g) адкрыта тэматычная выстава “Роўныя магчымасці для ўсіх”, прысвечаная Міжнароднаму дню інвалідаў.

Круглы стол з Дзяржаўнай бібліятэкай Югры

17.11.2022

18 лістапада адбудзецца міжнародны анлайн-круглы стол “Бібліятэкі і бібліятэчныя грамадскія аб’яднанні ў кантэксце сучаснасці”, прысвечаны 100-годдзю Нацыянальнай бібліятэкі Беларусі, 30-годдзю Беларускай бібліятэчнай асацыяцыі, 5-годдзю Бібліятэчнай асацыяцыі Югры.



Бібліятэкарам