19 лютага ў музеі кнігі адбылася творчая сустрэча, прысвечаная першаму друкаванаму выданню ва Усходняй Еўропе – “Малой падарожнай кніжцы” Францыска Скарыны.
Госцем сустрэчы стаў намеснік генеральнага дырэктара Нацыянальнай бібліятэкі Беларусі Алесь Суша, вядомы даследчык жыцця і творчай спадчыны Францыска Скарыны. Ён распавёў дзецям пра ўнікальнасць і незвычайныя рысы каштоўнага выдання першадрукара:
- спрэчнасць тытульнага аркуша;
- сапраўдную назву кнігі;
- таямнічае паходжанне гравюр выдання;
- магчымасць скласці пазл з асобна выдадзеных частак кнігі.
Юныя скарыназнаўцы выправілі “памылку” першадрукара і стварылі новы тытульны аркуш для “Малой падарожнай кніжкі”. А таксама дзеці навучыліся вылічаць час ад стварэння свету, як гэта рабілі нашы продкі.
Сачыце за анонсамі наступных музейных заняткаў.
Матэрыял пададзены навукова-даследчым аддзелам кнігазнаўства.
