ГалоўнаяНавіныНавіны Нацыянальнай бібліятэкі Беларусі
Краязнаўства Гродзеншчыны
“В лесу родилась ёлочка!”

Прэзентацыя новых кніг

Прэзентацыя новых кніг
Іншыя навіны

18 снежня ў Нацыянальнай бібліятэцы Беларусі адбылася прэзентацыя новых кніг серыі “Бібліятэка часопіса «Маладосць»” Выдавецкага дома “Звязда”.


Кніжная серыя “Бібліятэка часопіса «Маладосць»” была заснавана ў 1988 г. Штогод выходзіла дванаццаць выданняў: пяць паэтычных зборнічкаў, пяць кніг прозы, адна – з публіцыстычнымі матэрыяламі і адна – з літаратурнай крытыкай. Як адзначыла пад час прэзентацыі першы намеснік дырэктара Нацыянальнай бібліятэкі Беларусі Алена Далгаполава, за час існавання серыі ў фонды бібліятэкі паступіла больш за 100 выданняў.

Ледзь не ўсе з тых, хто сёння мае імя ў літаратурным свеце, прайшлі праз серыю “Бібліятэка часопіса «Маладосць»”. У эканамічна і ідэйна цяжкія 1990-я серыя паступова сышла на нуль. Адрадзіць яе вырашылі ў 2013-м спецыяльна да 60-годдзя часопіса.

“Скрозь «Маладосць». Не самая сумная кніжка пра грошы, чорны шакалад, пісьменнікаў і літаратуру” – так называецца першая ў адноўленай серыі кніга ўспамінаў тых, хто працаваў у рэдакцыі часопіса ў розныя гады або быў яго пастаянным аўтарам.

Другая кніга серыі – авантурна-прыгодніцкі іранічны дэтэктыў магіляўчанкі Алёны Беланожкі "Чамадан з кракадзілавай скуры", галоўнымі героямі якога з’яўляюцца прадстаўнікі шоу-бізнесу.

Трэцяя кніга серыі – зборнік гістарычных аповесцей пад назвай “Праклён мітрапаліта Феафіла”, які быў напісаны браслаўскім празаікам Уладзімірам Мажылоўскім. Захапляльнае чытанне, якое грунтуецца на аўтэнтычным гістарычным матэрыяле.

Трэба адзначыць, што “Маладосць” плануе выпуск яшчэ дзвюх кніжак, не падобных адна на адну і на папярэднія: першая з іх – пераклад паэмы “Радзівіліяда”, другая ўяўляе сабой зборнік містычна-гістарычных апавяданняў.

“Уцешна, што серыя атрымала сваё адраджэнне. Можам абяцаць, што бібліятэка не забудзе пра выданні пасля прэзентацыі, а будзе іх папулярызаваць”, – сказала Алена Далгаполава.

У прэзентацыі прынялі ўдзел і аўтары кніг. Яны расказалі прысутным пра свае выданні і храналогію іх стварэння, пра звычайныя і незвычайныя моманты пад час падрыхтоўкі кніг, пра герояў і гераінь, пра сябе і свой уласны позірк на навакольны свет.

Скончылася сустрэча меладычнымі спевамі саліста гурта “Нельга забыць” Міхаіла Бараноўскага.

Чытайце таксама:

Навіны

30 Ліп 2021

Мы так часта ўжываем слова “культура”, што іншым разам не задумваемся над глыбінным сэнсам паняцця. І дарэмна. Напэўна, у гэтым прычына не надта вялікай чысціні нашых ліфтаў і душ. А таксама – не вельмі добрага ведання роднай гісторыі ды імя продка ў пятым калене. А сапраўды, што за паняцце такое – культура?

Навіны бібліятэк

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Мой чытацкі спіс: навошта ім дзяліцца і ў чым наогул сэнс

28 Ліп 2021

У эпоху Інтэрнэту ўсё наша жыццё навідавоку. Фотаздымкі з паездак, душэўныя пасты ў сацсетках, нататкі пра хобі і любімыя фільмы хутка становяцца здабыткам грамадскасці – і нават чытанне. Што прымушае нас весці свае чытацкія дзённікі? Пахвальба, жаданне самасцвердзіцца ці проста прага да самавыяўлення? Давайце разбірацца – у спісах, кнігах і саміх сабе.

Аўтарскі погляд

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Бібліятэкарам