ГалоўнаяНавіныНавіны бібліятэк
Карупцыя: прычыны, праблемы, процідзеянне
Перавыданні ды ілюстрацыі

Лёгкасць гістарычнай зброі

Лёгкасць гістарычнай зброі
Іншыя навіны

Прэс-прэзентацыя кнігі Уладзіміра Мажылоўскага “Праклён мітрапаліта Феафіла”, трэцяга выдання з серыі “Бібліятэка часопіса «Маладосць»”, адбылася ў Выдавецкім доме “Звязда”.


У зборніку аўтара, які складаецца з трох аповесцей – “Праклён мітрапаліта Феафіла”, “Друеўскі ваўкалак” і “Спіраль гісторыі”, – гісторыя пераплялася з містыкай, а рамантыка – з дэтэктыўнасцю.

Творы не паяднаныя адной сюжэтнай лініяй. На некаторых старонках супрацьпастаўляецца адданасць жывёл і дзікасць людзей, тут дзейнічае малады шляхціц Юрый, які помсціць за родных. На другіх – раскрываецца таямніца гібелі і кахання маскоўскай княгіні Алены. Кніга выглядае цэласнай, таму што дасягаецца амаль немагчымае: цяжкія для ўспрымання сучасным чалавекам гістарычныя падзеі ператвараюцца ў лёгкае, але дакументальна праўдзівае чытанне.

Галоўны рэдактар часопіса “Маладосць” Святлана Дзянісава адзначыла, што ў кнізе “Праклён мітрапаліта Феафіла” яскрава адчуваецца атмасфера твораў Уладзіміра Караткевіча, ад яе немагчыма адарвацца. У беларускай літаратуры, на яе думку, існуе шмат гістарычных кніг, але нямногія з іх успрымаюцца на адным подыху.

Уладзіміра Мажылоўскага, нягледзячы на яго 54-гадовы ўзрост і грунтоўны пісьменніцкі досвед, называюць маладым аўтарам. Справа ў тым, што даслаць свае творы ў рэдакцыю часопіса “Маладосць” ён адважыўся толькі ў канцы 2012-га. Рэакцыя чытачоў: дзе яшчэ можна пачытаць гэтага аўтара? Кніга “Праклён мітрапаліта Феафіла” стала адказам на гэтае пытанне.

Уладзімір Мажылоўскі не любіць называць сябе пісьменнікам – напэўна, перашкаджае сціпласць. Нарадзіўся ў вёсцы, скончыў фізіка-матэматычны факультэт Віцебскага педагагічнага ўніверсітэта, амаль трыццаць гадоў працаваў дырэктарам невялічкай Барунскай васьмігадовай школы, што ў Браслаўскім раёне. Цяпер загадвае аддзяленнем Тэрытарыяльнага цэнтра сацыяльнага абслугоўвання насельніцтва Браслаўскага раёна.

Пад час прэс-прэзентацыі Уладзімір Мажылоўскі распавёў, як пачаў пісаць. Натхніла яго... здзіўленне нізкім узроўнем ведаў некаторых вучняў на школьных іспытах па гісторыі Беларусі. “Моладзі і дзецям было нецікава вучыцца па кнігах, перагружаных датамі, імёнамі, тэрмінамі. Таму я вырашыў стварыць нешта кшталту падручніка для падлеткаў, але цікавага і забаўляльнага”, – паведаміў пісьменнік.

Усе апавяданні Уладзіміра Мажылоўскага грунтуюцца на гістарычных фактах, доля вымыслу тут малая – але ці ж бывае без яго мастацкая літаратура?

“Стараюся на цікавых фактах паказаць нашу гісторыю маладому пакаленню, бо яна не менш велічная, чым мінуўшчына Англіі ці, скажам, Францыі. Мне давялося шмат працаваць з архівамі, дакументамі, кнігамі. Каб знайсці адно слова, часам прыходзілася падымаць гару літаратуры. А характары герояў бяру ад знаёмых – тут не памылішся”, – прызнаўся Уладзімір Мажылоўскі.

У планах аўтара – раман “Нашэсце”, рукапіс якога складае цэлых дзевяцьсот старонак! Праз лёс аднаго шляхецкага роду пісьменнік абяцае паказаць амаль усё XVI стагоддзе на беларускай зямлі, дзе будзе і Стэфан Баторый, і Казанская вайна, і Іван Грозны.

Прэзентацыя выданняў серыі “Бібліятэка часопіса «Маладосць»” разам з кнігай “Праклён мітрапаліта Феафіла” плануецца ў другой палове снежня ў Нацыянальнай бібліятэцы Беларусі.

Аўтар публікацыі: Марыя Войцік.

Крыніца: газета “Літаратура і мастацтва”, 28.11.2014.

Навіны

Пасяджэнне Савета бібліятэк Беларусі па інфармацыйным узаемадзеянні

17 Кас 2019

16 кастрычніка ў бібліятэцы ў рамках працы VI Міжнароднага кангрэса “Бібліятэка як феномен культуры” адбылося штогадовае пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Знаёмства будучых бібліятэкараў са спадчынай Яўгена Хлябцэвіча

17 Кас 2019

У рамках супрацоўніцтва паміж Нацыянальнай бібліятэкай Беларусі і Беларускім дзяржаўным універсітэтам культуры і мастацтваў 15 і 16 кастрычніка адбылося сумеснае мерапрыемства.

Навіны Нацыянальнай бібліятэкі Беларусі

Імпрэза “Чyжыx дyмaк нe пepaкaзвaў, cвae мeў” у Дзяржаўным музеі гісторыі беларускай літаратуры

16 Кас 2019

15 кастрычніка адбылося мерапрыемства “Чyжыx дyмaк нe пepaкaзвaў, cвae мeў”, прымеркаванае да 120-годдзя з дня нараджэння Адама Бабарэкі (14.10.1899–10.10.1938).

Навіны Нацыянальнай бібліятэкі Беларусі

ААН для міру і развіцця

17 Кас 2019

З 17 кастрычніка па 19 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і развіцця”, прысвечаная Дню Арганізацыі Аб’яднаных Нацый.

Кніжныя выстаўкі

111