У выніку краязнаўчай дзейнасці супрацоўнікамі Гродзенскай абласной навуковай бібліятэкі імя Я.Ф. Карскага створаны шэраг тэматычных інфармацыйных рэсурсаў.
Камбінаваная база даных (БД) “Памяць Гродзеншчыны” адлюстроўвае найважнейшыя гістарычныя падзеі ў эканамічнай, грамадска-палітычнай, сацыякультурнай сферах жыцця краю і звесткі пра гістарычных асоб, прадстаўнікоў знакамітых родаў, дзеячаў навукі, тэхнікі, эканомікі, культуры, мастацтва, літаратуры, спорту, а таксама грамадска-палітычных, ваенных, рэлігійных дзеячах, якія адыгралі важную ролю ў гісторыі ці грамадскім жыцці Гродзеншчыны, прадстаўнікоў нашай ці іншых краін, якія былі звязаны з Гродзенскай вобласцю месцам нараджэння, жыццём і дзейнасцю. На аснове БД выходзіць краязнаўчы каляндар “Гродзеншчына ў асобах”.
Электронны рэсурс “Краязнаўства” ўключае каля 70 000 аналітычных бібліяграфічных запісаў краязнаўчай тэматыкі з кніг, перыядычных выданняў і іншых відаў дакументаў. На яе аснове ствараецца бібліяграфічны паказальнік “Новая літаратура аб Гродзенскай вобласці”.
Па рашэнні Гродзенскага аблвыканкама 18 чэрвеня 2001 года ў “Доміку Ажэшкі” (зараз – інфармацыйна-адукацыйны цэнтр абласной бібліятэкі) адкрыты мемарыяльны пакой, прысвечаны жыццю і творчасці славутай зямлячкі. Таксама з жыццём і дзейнасцю вядомай пісьменніцы можна азнаёміцца, ажыццявіўшы віртуальнае падарожжа ў “Домік Ажэшкі”.
З 2002 года пры аддзелах бібліятэкі дзейнічае літаратурна-музычны салон “У пані Элізы”, дзе збіраюцца аматары творчасці слыннай зямлячкі. Тэматыка вечароў складаецца не толькі з інфармацыі пра Элізу Ажэшку, але і ўключае абмеркаванне творчасці знакамітых дзеячаў культуры, літаратуры і мастацтва Гродзеншчыны. Пасяджэнні праводзяцца адзін раз у квартал на беларускай, польскай і рускай мовах.
У рамках экспазіцыі “Гродна – культурная сталіца Беларусі” ўвазе наведвальнікаў прадстаўлены фотаальбомы і кнігі пра Гродзеншчыну з часоў каралёў і па сённяшні дзень. Выстаўка пазнаёміць усіх жадаючых з мінуўшчынай і сучаснасцю горада над Нёманам і раскажа пра людзей, якія ўславілі не толькі Гродзенскі край, але і ўсю нашу краіну.
Чытайце таксама: