ГалоўнаяНавіныНавіны бібліятэк
“В лесу родилась ёлочка!”
Прэзентацыя новых кніг

Краязнаўства Брэстчыны

Краязнаўства Брэстчыны
Іншыя навіны

Краязнаўства з`яўляецца прыярытэтным напрамкам дзейнасці Брэсцкай абласной бібліятэкі імя М. Горкага.


Асноўнай мэтай калектыў установы ставіць збор і захаванне максімальна поўнай калекцыі дакументных рэсурсаў пра рэгіён. Некаторыя вынікі гэтай работы знаходзяць сваё адлюстраванне на сайце бібліятэкі.

Электронны рэсурс “Краязнаўства Берасцейшчыны” аб`ядноўвае адразу некалькі электронных баз даных (ЭБД), сярод якіх “Спадчына”, “Кніга «Памяць»”, “Брэсцкі мір”, “Ю. І. Крашэўскі” і прадстаўляе ўвазе карыстальнікаў інфармацыю па гісторыі, розных сферах эканомікі і культурнага жыцця Брэсцкага краю. На старонках рэсурсу можна не толькі даведацца шмат цікавага пра гісторыю і эканоміку Брэстчыны, але і пазнаёміцца з апошнімі навінамі і падзеямі культурнага жыцця рэгіёна, з гісторыяй стварэння і правядзення міжнароднага тэатральнага фестывалю “Белая Вежа”, знайсці інфармацыю па тэме заключэння Брэсцкага міру і г.д. А пра знамянальныя даты і падзеі чытачам раскажа база даных “Краязнаўчы каляндар”.

У сувязі з тым, што Брэст атрымаў ганаровы статус культурнай сталіцы Беларусі на 2015 г., на базе абласной бібліятэкі з мэтай папулярызацыі беларускай культуры ўжо запланавана правядзенне каля 150 рэспубліканскіх і рэгіянальных творчых праектаў, акцый, форумаў, сярод якіх канферэнцыя “Берасцейскія кнігазборы”, акцыя “Раскажы мне пра вайну” да 70-годдзя Перамогі ў Вялікай Айчыннай вайне, выстаўкі і мерапрыемствы, прысвечаныя юбілейным датам у гісторыі Брэстчыны: 75-годдзю Брэсцкай абласной бібліятэкі імя М. Горкага, 350-годдзю з моманту стварэння ў Брэсце манетнага двара, 500-годдзю з дня нараджэння Мікалая Радзівіла Чорнага.

III Міжнародная навукова-практычная канферэнцыя “Берасцейскія кнігазборы: праблемы і перспектывы даследавання” запланавана ў бібліятэцы на май 2015 года. Асноўная мэта навуковага мерапрыемства – прадэманстраваць значэнне і каштоўнасць гістарычных кнігазбораў Берасцейшчыны, выявіць рэгіянальныя асаблівасці іх стварэння, захавання і вывучэння ў кантэксце кніжнай культуры Беларусі.

20–21 лістапада на базе Баранавіцкай цэнтральнай гарадской бібліятэкі імя В. Таўлая прайшоў абласны семінар дырэктараў ЦБС і бібліёграфаў аддзелаў абслугоўвання і інфармацыі цэнтральных бібліятэк на тэму “Бібліятэка як цэнтр рэгіянальнага краязнаўства”. Пад час мерапрыемства былі абмеркаваны такія пытанні, як бібліятэка і культуралагічны працэс у рэгіёне, праблемы каардынацыі і карпаратыўнага ўзаемадзеяння бібліятэк Брэсцкай вобласці, роля гарадской бібліятэкі ў сістэме краязнаўчага інфармавання, знаёмства з краязнаўчымі ЭБД “Брэсцкі мір” і інш.

Чытайце таксама:
Краеведение Витебщины

Навіны

Сустрэча з Адамам Бабарэкам

18 Кас 2019

17 кастрычніка, у музеі гісторыі беларускай літаратуры ў рамках праекта “На хвалі часу, у плыні жыцця” адбылася лекцыя Ганны Севярынец “Крытык і сусвет. Адам Бабарэка, літаратура і літаратары”.

Навіны бібліятэк

Маўчанне сфiнкса

18 Кас 2019

Дэбютны зборнiк гэтай дваццацiгадовай паэткi ўкладаў самы вядомы беларускi паэт, афармляў самы вядомы мастак, фiнансавала легендарная княгiня-мецэнатка… I быў надрукаваны ў гэтым зборнiку верш, якi стаў народнай песняй.

Навіны бібліятэк

Шляхам, што вядзе да мары

18 Кас 2019

11–12 кастрычніка прыхільнікі творчасці Эльчына Сафарлі сустрэліся з любімым аўтарам у беларускай сталіцы. У Мінск ён прыехаў прадставіць новы раман “Дом, в котором горит свет”, выдадзены ў гэтым годзе ў АСТ.

Аўтарскі погляд

Пасяджэнне Савета бібліятэк Беларусі па інфармацыйным узаемадзеянні

17 Кас 2019

16 кастрычніка ў бібліятэцы ў рамках працы VI Міжнароднага кангрэса “Бібліятэка як феномен культуры” адбылося штогадовае пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

111