16 кастрычніка ў дзіцячым пакоі прайшла літаратурная гадзіна “Чытайце самі, чытайце з намі”.
Для першай сустрэчы маленькіх чытачоў з беларускай паэзіяй лепш за ўсё падыходзяць кніжкі серыі “Нашым дзеткам”.
Сярод гэтых пазнавальных і маляўнічых выданняў дзеці нездарма выбралі для чытання зборнік Уладзіміра Сіўчыкава “Багоўка”. Яго добрыя вершы – пра сілу і пяшчоту роднай мовы. Разам з іх героямі хлопчыкі і дзяўчаткі даведаліся, што “божья коровка” па-беларуску гучыць як багоўка, “улиточка” – слімак, а “лакомка” –ласун, ласуха.
А яшчэ дзеці разам разгадвалі загадкі, прымалі ўдзел у віктарыне, спявалі вядомую песеньку “Дзед-Барадзед”, танчылі пад песню “Бульба”, паглядзелі мультфільм па матывах беларускай народнай казкі “Піліпка” і намалявалі восеньскія пейзажы.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял прадастаўлены аддзелам запісу і інфармавання карыстальнікаў.