Пачалася анлайн-рэгістрацыя ўдзельнікаў VII Міжнародных кнігазнаўчых чытанняў “Бібліятэкі і палітыка адкрытага доступу да інфармацыі і ведаў”, якія пройдуць 10–11 лістапада 2011 г. у Нацыянальнай бібліятэцы Беларусі.
Арганізатары кнігазнаўчых чытанняў:
- Міністэрства культуры Рэспублікі Беларусь;
- Бібліятэчная асамблея Еўразіі;
- Беларуская бібліятэчная асацыяцыя;
- Нацыянальная бібліятэка Беларусі.
Плануемыя тэмы для абмеркавання:
- Удасканаленне заканадаўчай базы і сістэмы дзяржаўнага рэгулявання ў галіне адкрытага доступу да інфармацыі і ведаў.
- Дзейнасць бібліятэк па рэалізацыі права грамадзян на свабодны доступ да інфармацыі і ведаў.
- Агульная даступнасць інфармацыі і абарона праў інтэлектуальнай уласнасці.
- Нацыянальныя і міжнародныя праграмы садзейнічання доступу да інфармацыйных рэсурсаў публічных і спецыяльных бібліятэк.
- Спрашчэнне доступу да інфармацыі і ведаў пры дапамозе сучасных інфармацыйных тэхналогій.
- Стратэгія развіцця інфармацыі адкрытага доступу як інструменту міжнароднага супрацоўніцтва.
- Забеспячэнне рэсурсамі адкрытага доступу для задавальнення запатрабаванняў сацыяльна неабароненых груп насельніцтва.
- Стварэнне электронных бібліятэк і архіваў, іх узаемадзеянне.
- Міжбібліятэчнае супрацоўніцтва: традыцыі і перспектывы развіцця ў лічбавым стагоддзі.
- Навуковае і кадравае забеспячэнне інавацыйнага развіцця бібліятэк.
- Кніга Беларусі: мінулае, сучаснасць, будучыня.
Да ўдзелу запрашаюцца прадстаўнікі бібліятэк, музеяў, архіваў, адукацыйных, навуковых, вытворчых і іншых устаноў, органаў заканадаўчай і выканаўчай улады, грамадскіх аб’яднанняў і арганізацый.
Для ўдзелу ў канферэнцыі неабходна не пазней за 10 верасня 2011 г. прайсці анлайн-рэгістрацыю.