З 17 мая па 30 чэрвеня ў Нацыянальнай бібліятэцы Беларусі (2-гі паверх, кальцавы калідор) ладзіцца выстаўка “Усё розныя, усё ўнікальныя”, прысвечаная Сусветнаму дню культурнай разнастайнасці для дыялогу і развіцця.
Культурная разнастайнасць і яе захаванне ў планетарным маштабе з’яўляюцца сёння актуальнай праблемай, якая абмяркоўваецца і рашаецца на розных узроўнях і ў розных краінах. Гэта адзін з прыярытэтных напрамкаў дзейнасці ЮНЕСКА і Савета Еўропы. 31-я Генеральная канферэнцыя ЮНЕСКА, якая праходзіла ў лістападзе 2001 года, прыняла Усеагульную дэкларацыю аб культурнай разнастайнасці і План дзеянняў па яе рэалізацыі. Культурная разнастайнасць разумеецца як частка агульначалавечай спадчыны, якая, з’яўляючыся крыніцай абменаў, узнікнення новых ідэй і развіцця творчасці, таксама неабходна для чалавецтва, як біялагічная шматстайнасць для жывой прыроды. Таму яе варта захоўваць у інтарэсах сённяшняга і будучых пакаленняў і разглядаць у якасці аднаго з асноўных праў чалавека. У Дэкларацыі сцвярджаецца, што міжнародны дыялог і праява талерантнасці і павагі да культурнай разнастайнасці з’яўляюцца неабходнымі ўмовамі пабудовы трывалага міру. Па ініцыятыве ЮНЕСКА 21 мая 2003 года было абвешчана Міжнародным днём у падтрымку Дэкларацыі і Плана дзеянняў.
Нацыянальная бібліятэка Беларусі прадстаўляе тэматычную кніжную выстаўку “Усё розныя, усё ўнікальныя”, якая налічвае каля 100 дакументаў: кнігі, якія закранаюць праблемы этнакультурных кантактаў, пытанні трансляцыі і дыялогу культур, нацыянальна-культурнай і этнаграфічнай спецыфікі, нацыянальнага менталітэту розных народаў; даследаванні і канцэпцыі міжкультурнага ўзаемадзеяння і ўзаемнага ўплыву культур народаў усіх кантынентаў; навукова-папулярныя выданні краіназнаўчага характару, што ўтрымліваюць этнапсіхалагічную характарыстыку асобных народаў; вучэбна-метадычныя дапаможнікі па асновах міжкультурнай камунікацыі ў шматнацыянальным дзелавым асяроддзі.
Кантактны тэлефон: 293-28-86.
Увага! У чытальных залах арганізаваны доступ да поўных спісаў літаратуры, прадстаўленай на выстаўках, якія ладзяцца ў бібліятэцы.
 |
 |
 |
||||||||||||||||||||||||||||
 |
 |
