З 3 па 21 лютага на кальцавым калідоры 2-га паверха арганізавана тэматычная кніжная выстаўка “Беларусь – наш агульны дом”, прымеркаваная да VI Усебеларускага народнага сходу і Года народнага адзінства.
Усебеларускі народны сход – знакавая падзея ў жыцці рэспублікі. Яго ўдзельнікі, выбраныя працоўнымі калектывамі, грамадзянамі па месцы жыхарства, вучобы або службы, выказваюць самы шырокі спектр грамадскай думкі, уносяць прадуктыўныя ідэі, накіраваныя на ўзгадненне падыходаў у вырашэнні актуальных праблем дзяржаўнага будаўніцтва, дасягнення згоды ў грамадстве, далейшага ажыццяўлення эканамічных рэформ.
На выстаўцы прадстаўлена каля 200 дакументаў, у якіх разглядаюцца галоўныя кампаненты ідэалогіі беларускай дзяржавы ў розных сферах жыццядзейнасці беларускага грамадства, пытанні канстытуцыйнага права Рэспублікі Беларусь, раскрываюцца месца і роля палітычных інстытутаў і грамадскіх арганізацый у ідэалагічных працэсах.
У раздзеле выстаўкі “Усебеларускі народны сход. Гісторыя” прадстаўлены кнігі і буклеты з матэрыяламі народных сходаў, уключаючы першы з’езд, які прайшоў 19–20 кастрычніка 1996 года.
Таксама ў экспазіцыю ўвайшлі выданні, прысвечаныя станаўленню і сучаснаму стану беларускай дзяржаўнасці, дасягненням у сацыяльна-эканамічнай, навуковай і культурнай сферах, знешнеэканамічным і знешнепалітычным сувязям, турызму і культурна-гістарычнай спадчыне Беларусі.
Экспазіцыя мае навукова-практычнае значэнне, рэкамендавана палітыкам, дзяржаўным дзеячам, навуковым супрацоўнікам, выкладчыкам, аспірантам і студэнтам, будзе карыснай арганізатарам ідэйна-выхаваўчай работы ў калектывах і арганізацыях.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 29 80.
Матэрыял пададзены аддзелам галерэйна-выставачнай дзейнасці.
