22–23 красавіка ў Нацыянальнай бібліятэцы пройдуць ХVІІ Міжнародныя кнігазнаўчыя чытанні – маштабная навуковая канферэнцыя, якая стала галоўнай пляцоўкай краіны для абмеркавання вынікаў навуковых даследаванняў і дасягненняў па пытаннях кніжнай культуры.
Тэматычнае поле канферэнцыі вылучаецца разнастайнасцю, нязменнай цікавасцю да кніжнай культуры Беларусі і асэнсавання яе феномена ў сусветным кантэксце. Шырока сфармуляваная праблематыка, безумоўна, выкліча цікавасць у шматлікіх айчынных і замежных навукоўцаў і практыкаў.
Штогадовыя Міжнародныя кнігазнаўчыя чытанні спрыяюць наладжванню навуковага дыялогу і супрацоўніцтва паміж даследчыкамі розных краін, даюць магчымасць падзяліцца вынікамі навуковых дасягненняў, садзейнічаюць выпрацоўцы аптымальна эфектыўных падыходаў для вырашэння наспелых праблем, а галоўнае – натхняюць удзельнікаў на ўвасабленне новых ідэй і праектаў.
Сачыць за абнаўленнем інфармацыі аб канферэнцыі можна на сайце ХVІІ Міжнародных кнігазнаўчых чытанняў.
Матэрыял пададзены навукова-даследчым аддзелам кнігазнаўства.
Чытайце таксама:
- Кнігазнаўцы розных краін свету адзначылі 500-годдзе заснавання Жыровіцкага манастыра і бібліятэкі (XVI Міжнародныя кнігазнаўчыя чытанні)
- Юбілейныя XV Міжнародныя кнігазнаўчыя чытанні вачыма экспертаў