Дата правядзення
Час правядзення
Месца правядзення
З 2 красавіка па 6 мая ў чытальнай зале міжбібліятэчнага і індывідуальнага абанемента (пам. 164) праходзіць выстава “У рытме танца”, прымеркаваная да Міжнароднага дня танца.
Свята, прысвечанае ўсім напрамкам і стылям танца, было заснавана ў 1982 годзе па ініцыятыве Міжнароднага савета танца ЮНЕСКА і штогод адзначаецца 29 красавіка, у дзень нараджэння французскага балетмайстра Жана-Жоржа Навера – рэфарматара і тэарэтыка харэаграфіі, які, як лічыцца, зрабіў балет самастойным відам сцэнічнага мастацтва.
На выставе прадстаўлена перакладное перавыданне кнігі Навера “Письма о танце и балетах”, якая выйшла ў свет у 1760 годзе і ў якой абгрунтаваны галоўныя эстэтычныя прынцыпы харэаграфіі, рэвалюцыйныя для свайго часу, многія з іх захоўваюць актуальнасць і ў нашы дні.
Экспазіцыя прапануе акунуцца ў дзіўны свет танца, яго гісторыю, драматургію, кампазіцыю, пазнаёміцца з класічным танцам, рускім балетам, этнічнай харэаграфіяй, бальнымі, усходнімі, сучаснымі і дзіцячымі танцамі, даведацца аб гаючай сіле танцавальных рухаў і зрабіць з дапамогай кніжных урокаў свае першыя па.
Асаблівае месца на выставе займаюць выданні, прысвечаныя харэаграфічнаму мастацтву Беларусі: балету, народным і эстрадным танцам, вядомым танцавальным калектывам.
Час працы выставы адпавядае рэжыму працы чытальнай залы міжбібліятэчнага і індывідуальнага абанемента.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 10.
Матэрыял пададзены аддзелам бібліятэчнага абслугоўвання.