Дата правядзення
Час правядзення
Месца правядзення
13 снежня ў галерэі “Ракурс” (2-гі паверх) адбылося адкрыццё выстаўкі “Зімовая”, прымеркаванай да навагодніх свят.
У экспазіцыі – жывапіс і графіка сучасных беларускіх мастакоў, работы якіх аб’яднаны агульнай тэмай – святочнай пераднавагодняй зімой. У розных тэхніках і манерах аўтары прадстаўляюць сваё бачанне адметнай пары года, казачнай, багатай марамі, поўнай надзей і шчодрай на ўсмешкі.
“Зімовая” выстаўка прадэманструе гледачам разнастайную панараму пераднавагодніх вобразаў, калейдаскоп святочных пажаданняў, традыцый, успамінаў і асацыяцый. Аматары калядных гулянняў, цудаў Раства, навагодніх жаданняў змогуць памроіць і зарадзіцца выдатным настроем.
Экспазіцыя будзе прадстаўлена да 23 лютага 2023 года.
Дата заканчэння яе працы можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.
